U Hrodnie piensijanier padkłaŭ zapalnaje prystasavańnie pad aŭtamabil znajomaha
U Hrodnie sud prysudziŭ 70‑hadovaha piensijaniera da troch hadoŭ kałonii. Mužčyna zrabiŭ samarobnaje zapalnaje prystasavańnie i pakinuŭ jaho pad aŭtamabilem znajomaha, kab taho napałochać, paviedamlaje Śledčy kamitet.
Jašče ŭ krasaviku paciarpieły paviedamiŭ milicyi, što niechta sprabavaŭ padpalić jaho mašynu. Na miescy znajšli skrynku ź niebiaśpiečnym miechanizmam, jakuju sapiory abiasškodzili. Unutry byli frahmienty butelki, porach, budzilnik z batarejkaj, tkanina i lon, złučanyja pamiž saboj pravadami. Taksama pobač byli jomistaści ź bienzinam.
U toj ža dzień zatrymali 70‑hadovaha piensijaniera. Pry vobšuku ŭ jahonaj kvatery znajšli porach, patrony i kanistry z palivam. Spačatku jon maŭčaŭ, ale paźniej pryznaŭsia, što zrabiŭ pryładu, kab napałochać paciarpiełaha, i nastojvaŭ, što jana nie mahła spracavać. Ekśpiertyza, adnak, zaśviedčyła advarotnaje — heta było sapraŭdnaje zapalnaje prystasavańnie.
Mužčyny viedali adzin adnaho kala hoda: paciarpieły dapamahaŭ piensijanieru ŭ kupli ziamielnaha ŭčastka. Kanfliktaŭ pamiž imi nie było.
U vyniku piensijanieru pradjavili abvinavačańni ŭ niezakonnym zachoŭvańni vybuchovych i zapalnych rečyvaŭ, a taksama ŭ zamachu na paškodžańnie čužoj majomaści niebiaśpiečnym dla hramadstva sposabam. Sud pryznačyŭ jamu try hady pazbaŭleńnia voli.
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku96
Kamientary