U Biełaruś pryjšli machlarskija schiemy z Rasii. Ekśpierty nazvali samyja papularnyja
U Biełarusi internet-machlary vykarystoŭvajuć anałahičnyja mietady z Rasijaj. Pry hetym asobnyja rasijskija praktyki nie pryžyvajucca ŭ našaj krainie. Pra heta Office Life raspaviali analityki departamienta abarony ad ličbavych ryzyk Digital Risk Protection kampanii F6.
Tak, naprykład, u Biełarusi nie pryžyłasia schiema «mamant». Upieršyniu ŭ našaj krainie jaje vyjavili ŭ 2020 hodzie na sajcie papularnaha servisu biaspłatnych abjaŭ. Jaje sutnaść u tym, što karystalnikam prapanujuć apłacić dastaŭku nieisnujučaha tavaru.
U kampanii tłumačać nizkuju papularnaść schiemy ŭ našaj krainie zładžanaj pracaj bankaŭskaj supolnaści i milicyi. U Rasii ž tolki za pieršaje paŭhodździe 2025 hoda było vyjaŭlena i zabłakavana bolš za 2,6 tys. fejkavych damienaŭ, jakija maskiravalisia pad viadomyja brendy.
Taksama na terytoryi našaj krainy internet-machlary praktyčna nie vykarystoŭvajuć damieny ŭ nacyjanalnaj damiennaj zonie. U žniŭni kampanija F6 i pravajdar hoster.by zaklučyli pahadnieńnie ab supracoŭnictvie i ciapier apieratyŭna ŭzajemadziejničajuć pry vyjaŭleńni fišynhavych resursaŭ u joj.
Pa acenkach kampanii, bolšaść papularnych schiem internet-machlarstva ŭ Biełarusi i Rasii raźvivajucca paralelna, ale jość i ŭnikalnyja scenary. Naprykład, u našaj krainie papularnaja schiema z uhonam dostupu da asabistych kabinietaŭ bankaŭskich dadatkaŭ praz telegram-botaŭ. Jak praviła, jany maskirujucca pad aficyjnyja servisy bujnych bankaŭ i prapanujuć atrymać dostup da ich prosta ŭ miesiendžary. Adnak kali karystalnik uvodzić łahin i parol ad ich, złamyśniki atrymlivajuć dadzienyja z nastupnym dostupam da finansaŭ achviary.
Top-3 schiemy
Zaraz u Biełarusi dziejničajuć i inšyja papularnyja schiemy internet-machlarstva. Siarod ich — inviestskam, rozyhryšy ad imia bankaŭ, uhon akaŭntaŭ u Telegram i WhatsApp i h. d.
Pieršaja schiema pracuje tak: złamyśniki kapirujuć papularnyja ŭ rehijonie internet-resursy i stvarajuć na ich fejkavyja naviny, naprykład, z zajavaj viadomych asob abo brendaŭ pra inviestycyi, prodaž kaštoŭnych pryrodnych resursaŭ i da t.p. Najčaściej takija resursy rehistrujuć u damiennych zonach.top,.xyz,.click i.com. Usiaho padčas daśledavańnia analityki F6 vyjavili, što za apošni hod było zarehistravana 203 padobnyja sajty.
Druhaja schiema z rozyhryšam ad imia banka pačynajecca z rekłamnaj abjavy ŭ sacsietkach z prapanovaj «Darym našym klijentam Ch rubloŭ na kartu». Kab atrymać hrošy, karystalnikam treba prajści apytańnie abo pryniać udzieł u rozyhryšy. Pry hetym dla atrymańnia hrošaj treba aŭtaryzavacca ŭ asabistym kabiniecie svajho banka. Jak praviła, sajt złamyśnikaŭ kapiruje sajt banka, i achviara ŭvodzić svaje ŭlikovyja danyja, paśla čaho jany atrymlivajuć dostup da jaje bankaŭskaha rachunku.
Uhon akaŭntaŭ u Telegram i WhatsApp, jak praviła, adbyvajecca pad vyhladam fejkavaha hałasavańnia. Analityki F6 prahnazujuć, što ŭ bližejšy čas kolkaść takich atak siarod biełaruskich karystalnikaŭ hetych miesiendžaraŭ pavialičycca.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach1
Kamientary
Ich sieḱjuriti, sisadminy i sotrudniki etich bankov i počty, sami ślivajut vsie, ličnyje dannyje klijentov.
Kohda eto proischodit, tohda i načinajut bombiť tielefonnymi zvonkami, obyčnymi i iz mieśsiendžierov, bombiť smskami.