Ministerstva abarony Biełarusi 24 vieraśnia akredytavała novaha vajskovaha ataše pry pasolstvie Vialikabrytanii i Paŭnočnaj Irłandyi — majora Uiljama Džordža. Jon ciapier aficyjna pradstaŭlaje Vialikabrytaniju ŭ biełaruskim vajskovym viedamstvie, paviedamiła pres-słužba Ministerstva abarony.
U Departamiencie mižnarodnaha vajskovaha supracoŭnictva Minabarony adbyłasia sustreča z Uiljamam Džordžam, na jakoj abmierkavali pytańni dvuchbakovych kantaktaŭ u sučasnych umovach.
Vajskovaha ataše Vialikabrytanii nie było ŭ Biełarusi ŭžo amal 5 hadoŭ. U listapadzie 2020 hoda tahačasny vajskovy ataše Uajt Bajkot Cimaci razam z namieśnicaj pasła Lizaj Tumvud byli abjaŭlenyja piersonami non hrata z-za «padćvierdžanaha destruktyŭnaha charaktaru dziejnaści hetych asob».
U žniŭni minułaha hoda zaviaršyłasia misija pasła Vialikabrytanii ŭ Biełarusi Žaklin Pierkins, i z taho času dypmisija kirujecca časovym pavieranym.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
«Ukraina, jakaja maje vialiki duch i robicca ŭsio macniejšaj, zmoža viarnuć svaju krainu ŭ jaje pieršapačatkovaj formie — a chto viedaje, moža navat pojdzie dalej!»
— Donald Tramp
Nu i ,koniečno žie, načať niemiedlennoje minirovanije Pa-die-Kale. Ursuła, dušiečka, obieśpiečtie finansirovanije, kazna nie obiedniejet!