Biełaruska znajšła va ŭpakoŭcy skumbryju «nie taho malunku». U čym prablema?

«Skumbryja japonskaja, kavałki śpiecyjalnyja» — takuju nazvu paznačyŭ na ŭpakoŭcy svajho praduktu vytvorca, čym i ŭvioŭ pakupnicu ŭ zman. Dziaŭčyna vyrašyła, što idzie havorka pra niejki asablivy recept hatavańnia marynadu dla ryby, ale ŭsio akazałasia inakš.

Adkryŭšy ŭpakoŭku, pakupnica adrazu zapadozryła niešta nie toje. Pavodle jaje słoŭ, kavałki ryby akazalisia bolšymi, «malunak nie toj» na śpincy ryby, kala pazvanočnika, adrozny ad charakternaha dla skumbryi. Smak dziaŭčynie taksama padaŭsia niazvykłym i «žudasna niasmačnym».

U vyniku pakupnica pryjšła da vysnovy, što vytvorca pad vyhladam skumbryi pradaŭ joj makrel, a schavać «padmienu» sprabavaŭ vialikaj kolkaściu śpiecyj i soli ŭ marynadzie, kab pierakryć bolš rezki pach inšaha vidu ryby.

«Ja prahuhliła: skumbryja japonskaja — heta i jość nibyta taja samaja makrel. Tak i pišycie: «makrel, kavałki śpiecyjalnyja», i heta budzie pravilna», — raskrytykavała dziaŭčyna vytvorcu.

@jaraslava_halavenka

Skolko raz v vidieo ja skazała MAKRIEL?

♬ orihinalnyj zvuk - Jarosłava Hołovienko

U kamientaryjach pad rolikam hledačy padzialilisia na dva łahiery. Pieršyja śćviardžali, što skumbryja i makrel — heta dźvie nazvy adnoj i toj ža ryby.

«30 hadoŭ technołaham u mory pracavaŭ, vy zmožacie adroźnić skumbryju z paŭdniovaj častki Atłantyčnaha akijana ad paŭnočnaj častki Atłantyčnaha akijana? Kuplaŭ ja hetuju makrel, pa-našamu skumbryja, makrellu nazyvajuć u Ispanii i Partuhalii. Adzinaje, z čym zhadžajusia, heta toje, što lok pryhatavany niapravilna, bo nie ŭličvajecca tłustaść makreli. Vas nichto nie ašukaŭ, jana pryhatavanaja pa techničnych umovach, zaćvierdžanych na vytvorčaści», — napisaŭ adzin z hledačoŭ.

Inšyja ŭsio ž padtrymali aŭtarku, adznačyŭšy, što hetyja dźvie ryby zusim roznyja, prynamsi pa smaku.

«Vy mianie naviali na iścinu. Nikoli nie zadumvałasia, dumaju, čamu skumbryja apošnim časam takaja niasmačnaja?» — adznačyła adna z hladačak.

Što ž heta na samaj spravie za «japonskaja skumbryja»?

Skumbryja, japonskaja skumbryja i makrel — heta nasamreč try roznyja vidy ryby, choć i rodnasnyja. Usie jany adnosiacca da siamiejstva skumbryjevych. Pad skumbryjaj u nas zvyčajna razumiejuć atłantyčnuju skumbryju. Heta samy tłusty vid z usich troch i tamu mnohija ličać jaje samaj smačnaj. Japonskaja skumbryja trochi mienš tłustaja, a makrel — samaja suchaja, tamu jaje rekamiendujuć pry dyjetyčnym charčavańni.

Spračacca pra husty nie varta, a voś pra źniešnija adroźnieńni troch vidaŭ možna pahavaryć. Lahčej za ŭsio adroźnić ad skumbryi sapraŭdy makrel. Na sajcie adnaho z rasijskich vytvorcaŭ ryby paznačana, što hetyja dva vidy adroźnivajucca vyrazna — makrel bolšaja, maje bolš padoŭžanaje cieła, mahutnyja skivicy z bujnymi trochkutnymi zubami i bolš vostruju formu hałavy. Adnak ad pakupnikoŭ usio heta vielmi prosta schavać, a voś što schavać nie ŭdasca, dyk heta admietny malunak na śpincy:

• u makreli ŭsia śpinka ŭ ciomnych plamach i pałoskach, jakija častkova zachodziać na žyvot;
• u skumbryi na śpincy jość tolki vyraznyja firmovyja «tyhravyja» pałoski.

Pavialičyć

Adroźnić pa źniešnich prykmietach atłantyčnuju i japonskuju skumbryju, jak adznačaje toj ža rasijski vytvorca, dla zvyčajnaha čałavieka praktyčna niemahčyma — istotnych adroźnieńniaŭ u ich prosta niama. Vidy adroźnivajucca tolki roznaj stupieńniu tłustaści i, ułasna, pa pachodžańni.

Jak zrazumieła z nazvy, radzima japonskaj skumbryi — Japonskaje, Žoŭtaje mora i Cichi akijan kala bierahoŭ Japonii. Hety vid taksama časam sustrakajecca ŭ Achockim mory. Rasijskija kampanii zdabyvajuć jaje ŭ nievialikaj kolkaści kala Kurylskich astravoŭ.

• 1
• 1
• 1
• 5
• 0
• 1
• 1
• 0