Źmicier Jahoraŭ: «Bajsoł» źbirajecca i dalej vypłačvać pa 1000 jeŭra palitviaźniam
Za toje, što Stryžak zastajecca ŭ «Bajsole», fond vyklučyli ź Mižnarodnaha humanitarnaha fonda. Što heta značyć?
Pradstaŭnik fonda «Bajsoł» Źmicier Jahoraŭ kaža, što rašeńnie vyklučyć «Bajsoł» ź Mižnarodnaha humanitarnaha fonda prymali biełaruskija arhanizacyi – inšyja ŭdzielniki fonda.
Pavodle słoŭ Jahorava, za apošni hod «Bajsoł» u supracoŭnictvie z MHF akazaŭ dapamohu palitviaźniam na ahulnuju sumu kala 400 tysiač jeŭra. Havorka pieravažna idzie pra vypłaty pamieram 1000 jeŭra na kožnaha byłoha palitviaźnia, jaki źviartaŭsia ŭ fond pa hetyja hrošy.
I ŭsio ž, kaža Jahoraŭ, «Bajsoł» praciahnie svaju prahramu vypłata byłym palitviaźniam:
«Rašeńnie Mižnarodnaha humanitarnaha fonda nie aznačaje, što my spyniajem dapamohu i što ludzi pierastanuć atrymlivać ad «Bajsoła» adnarazovyja vypłaty, pa hetym treku niama rašeńniaŭ ab źmienie.
Zamarožvajecca piłotnaja prahrama pa pieranavučańni vyzvalenych, jakuju «Bajsoł» paśpiachova raspačaŭ. My spadziajemsia, što hetaja prahrama adnovicca, kali znojducca srodki».
Jahoraŭ padkreślivaje, što prahrama vypłaty byłym palitviaźniam isnavała jašče da taho, jak źjaviŭsia Mižnarodny humanitarny fond — praŭda, pa danych «Našaj Nivy», tady vypłačvalisia mienšyja sumy, kala 300 jeŭra.
Na siońnia, pavodle słoŭ pradstaŭnika «Bajsoła», pamier vypłat i ich chutkaść nie źmianiajucca, to-bok palitviaźniam pa-raniejšamu abiacajuć pa tysiačy jeŭra.
Jahoraŭ pryznaje, što z vyklučeńniem ź Mižnarodnaha humanitarnaha fonda «Bajsoł» niasie vialikija straty:
«Rola hrošaj Mižnarodnaha humanitarnaha fonda dla «Bajsoła» była važnaja, bo heta istotnyja sumy. Ale chaču nahadać, što «Bajsoł» paśpiachova pracavaŭ i akazvaŭ dapamohu jašče da taho, jak humanitarny fond źjaviŭsia.
My nie bačym pryčyn apuskać ruki navat u takich składanych situacyjach, ličym, što praca i supracoŭnictva na karyść paciarpiełych ad represij musić być pryjarytetam».
«Naša Niva» — bastyjon biełaruščyny
PADTRYMAĆ
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary
Jeśli Naša Niva i dalšie prodołžit riekłamirovať sbory Bajsoł, to sčitaju dołžna nie połučať hranty na suŝiestvovanije kak vmiestie poviazannaja s mutnymi lud́mi.
Davajtie sbory na PZ ot druhich fondov