Chto ciapier budzie vypłačvać pa 1000 jeŭra palitviaźniam, jakija raniej vydavaŭ «Bajsoł»? A nichto i nie viedaje
Dyrektar fondu «Kraina dla žyćcia» Viačasłaŭ Žukaŭ kaža, što praceduru jašče tolki treba raspracavać: «My pakul nie viedajem i viadziem abmierkavańni, jak nam heta zrabić».
Paśla taho, jak stała viadoma pra vyklučeńnie «Bajsoła» ź Mižnarodnaha humanitarnaha fondu, paŭstała pytańnie — ci praciahnucca vypłaty pa 1000 jeŭra kožnamu palitviaźniu, jakija «Bajsoł» rabiŭ sa srodkaŭ MHF? U razmovie z «Biełsatam» pra heta raskazaŭ prajektny dyrektar fondu «Kraina dla žyćcia» Viačasłaŭ Žukaŭ. «Kraina dla žyćcia» — siabra kirujučaha orhanu MHF.
Usia kamunikacyja z BYSOL budzie spynienaja ŭ bližejšy čas
Pavodle Viačasłava Žukava, vypłaty pa 1000 jeŭra, jakija dahetul rabilisia praz BYSOL (naprykład, hetyja hrošy atrymaŭ 31 palitviazień z vyzvalenych 11 vieraśnia 2025 hoda), ciapier stanoviacca zadačaj dla Mižnarodnaha humanitarnaha fondu, jakuju daviadziecca vyrašać. Praz «Bajsoł» atrymlivać hetuju dapamohu ciapier stanie niemahčymym — MHF maje namier u samy bližejšy čas spynić usie partniorskija adnosiny i kamunikacyju z fondam, paśla taho, jak buduć vykananyja apošnija sumiesnyja abaviazalnictvy pierad bienieficyjarami.
«Bajsoł» nie budzie atrymlivać hrošy ad MHF i vypłočvać štości ź jaho srodkaŭ. Pytańnie ciapier, jak my zrobim unutry MHF tak, kab bienieficyjary praciahnuli atrymlivać hetuju dapamohu ci niejkuju inšuju, ale padobnuju. U hetym našaja zadača ciapier», — kaža Viačasłaŭ.
Na hety momant u samoha MHF niama nijakich instrumientaŭ dapamohi. Hety fond źjaŭlajecca dadatkovym finansavym instrumientam, u jakoha arhanizacyi mohuć zapytvać hrošy dla realizacyi svaich prahramaŭ. Nivodnaja arhanizacyja nie maje na siońnia takoj prahramy dapamohi pa 1000 jeŭra, jak «Bajsoł». Tamu, pa słovach Viačasłava Žukava, ciapier staić zadača ci znajści niekaha, chto voźmie na siabie hety abaviazak, kab palitviaźni nie zhubili padtrymku, ci transfarmavać samu prahramu.
«Mahčyma, heta buduć vypłaty pa 500 ci pa 1500 jeŭra — my pakul nie viedajem i viadziem abmierkavańni, jak nam heta zrabić. Ale dakładna mahu skazać, što MHF nie budzie vydzialać nijakija srodki «Bajsołu». Mahu skazać dakładna, što kali «Bajsoł» ciapier budzie vypłočvać pa tysiačy, to heta buduć nie hrošy MHF», — kaža surazmoŭca «Biełsata».
-
Kiraŭnika vialikaj kampanii sielhastechniki asudzili za palityku
-
Chacieli ŭkłaścisia ŭ 45 tysiač, a vyjšła 75 tysiač rubloŭ. Maładyja raskazali pra vydatki na viasielle
-
«Da apošniaha momantu vieryli, što chvaroba budzie pieramožanaja». Ina Kulej pra chvarobu i śmierć Alaksandra Milinkieviča i jaho spadčynu
Kamientary
Mužikam naviernoje nie poniať, čto značit pieriežiť rieprieśsii a potom s horki podvierhnuťsia sieksualnomu abbiuzu
A dieńhi vypłačivať najdiotsia komu, hłavnoje čtoby byli