Хто цяпер будзе выплачваць па 1000 еўра палітвязням, якія раней выдаваў «Байсол»? А ніхто і не ведае
Дырэктар фонду «Краіна для жыцця» Вячаслаў Жукаў кажа, што працэдуру яшчэ толькі трэба распрацаваць: «Мы пакуль не ведаем і вядзем абмеркаванні, як нам гэта зрабіць».
Пасля таго, як стала вядома пра выключэнне «Байсола» з Міжнароднага гуманітарнага фонду, паўстала пытанне — ці працягнуцца выплаты па 1000 еўра кожнаму палітвязню, якія «Байсол» рабіў са сродкаў МГФ? У размове з «Белсатам» пра гэта расказаў праектны дырэктар фонду «Краіна для жыцця» Вячаслаў Жукаў. «Краіна для жыцця» — сябра кіруючага органу МГФ.
Уся камунікацыя з BYSOL будзе спыненая ў бліжэйшы час
Паводле Вячаслава Жукава, выплаты па 1000 еўра, якія дагэтуль рабіліся праз BYSOL (напрыклад, гэтыя грошы атрымаў 31 палітвязень з вызваленых 11 верасня 2025 года), цяпер становяцца задачай для Міжнароднага гуманітарнага фонду, якую давядзецца вырашаць. Праз «Байсол» атрымліваць гэтую дапамогу цяпер стане немагчымым — МГФ мае намер у самы бліжэйшы час спыніць усе партнёрскія адносіны і камунікацыю з фондам, пасля таго, як будуць выкананыя апошнія сумесныя абавязальніцтвы перад бенефіцыярамі.
«Байсол» не будзе атрымліваць грошы ад МГФ і выплочваць штосьці з яго сродкаў. Пытанне цяпер, як мы зробім унутры МГФ так, каб бенефіцыяры працягнулі атрымліваць гэтую дапамогу ці нейкую іншую, але падобную. У гэтым нашая задача цяпер», — кажа Вячаслаў.
На гэты момант у самога МГФ няма ніякіх інструментаў дапамогі. Гэты фонд з’яўляецца дадатковым фінансавым інструментам, у якога арганізацыі могуць запытваць грошы для рэалізацыі сваіх праграмаў. Ніводная арганізацыя не мае на сёння такой праграмы дапамогі па 1000 еўра, як «Байсол». Таму, па словах Вячаслава Жукава, цяпер стаіць задача ці знайсці некага, хто возьме на сябе гэты абавязак, каб палітвязні не згубілі падтрымку, ці трансфармаваць саму праграму.
«Магчыма, гэта будуць выплаты па 500 ці па 1500 еўра — мы пакуль не ведаем і вядзем абмеркаванні, як нам гэта зрабіць. Але дакладна магу сказаць, што МГФ не будзе выдзяляць ніякія сродкі «Байсолу». Магу сказаць дакладна, што калі «Байсол» цяпер будзе выплочваць па тысячы, то гэта будуць не грошы МГФ», — кажа суразмоўца «Белсата».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
Мужикам наверное не понять, что значит пережить репрессии а потом с горки подвергнуться сексуальному аббюзу
А деньги выплачивать найдётся кому, главное чтобы были