Зміцер Ягораў: «Байсол» збіраецца і далей выплачваць па 1000 еўра палітвязням
За тое, што Стрыжак застаецца ў «Байсоле», фонд выключылі з Міжнароднага гуманітарнага фонда. Што гэта значыць?
Прадстаўнік фонда «Байсол» Зміцер Ягораў кажа, што рашэнне выключыць «Байсол» з Міжнароднага гуманітарнага фонда прымалі беларускія арганізацыі – іншыя ўдзельнікі фонда.
Паводле слоў Ягорава, за апошні год «Байсол» у супрацоўніцтве з МГФ аказаў дапамогу палітвязням на агульную суму каля 400 тысяч еўра. Гаворка пераважна ідзе пра выплаты памерам 1000 еўра на кожнага былога палітвязня, які звяртаўся ў фонд па гэтыя грошы.
І ўсё ж, кажа Ягораў, «Байсол» працягне сваю праграму выплата былым палітвязням:
«Рашэнне Міжнароднага гуманітарнага фонда не азначае, што мы спыняем дапамогу і што людзі перастануць атрымліваць ад «Байсола» аднаразовыя выплаты, па гэтым трэку няма рашэнняў аб змене.
Замарожваецца пілотная праграма па перанавучанні вызваленых, якую «Байсол» паспяхова распачаў. Мы спадзяемся, што гэтая праграма адновіцца, калі знойдуцца сродкі».
Ягораў падкрэслівае, што праграма выплаты былым палітвязням існавала яшчэ да таго, як з'явіўся Міжнародны гуманітарны фонд — праўда, па даных «Нашай Нівы», тады выплачваліся меншыя сумы, каля 300 еўра.
На сёння, паводле слоў прадстаўніка «Байсола», памер выплат і іх хуткасць не змяняюцца, то-бок палітвязням па-ранейшаму абяцаюць па тысячы еўра.
Ягораў прызнае, што з выключэннем з Міжнароднага гуманітарнага фонда «Байсол» нясе вялікія страты:
«Роля грошай Міжнароднага гуманітарнага фонда для «Байсола» была важная, бо гэта істотныя сумы. Але хачу нагадаць, што «Байсол» паспяхова працаваў і аказваў дапамогу яшчэ да таго, як гуманітарны фонд з'явіўся.
Мы не бачым прычын апускаць рукі нават у такіх складаных сітуацыях, лічым, што праца і супрацоўніцтва на карысць пацярпелых ад рэпрэсій мусіць быць прыярытэтам».
«Наша Нiва» — бастыён беларушчыны
ПАДТРЫМАЦЬЦяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
Если Наша Нива и дальше продолжит рекламировать сборы Байсол, то считаю должна не получать гранты на существование как вместе повязанная с мутными людьми.
Давайте сборы на ПЗ от других фондов