Skumbryja ź ihołkami, sała ź ćvikami: u Minsku niechta raskidvaje niebiaśpiečnyja prynady dla sabak
Mienčuki znachodziać atrutnyja prynady ŭ vakolicach Cnianskaha vadaschovišča. Paviedamlajecca, što ŭžo paciarpieli niekalki chatnich sabak.
Minčanka znajšła takuju prynadu ź niebiaśpiečnym źmieścivam, kali hulała z sabakam kala Cnianskaha vadaschovišča. Paźniej jana znoŭ natrapiła na dziŭnyja skrutki.
U lesie kala Cnianki žančyna znajšła kavałki skumbryi, napoŭnienyja ihołkami, piša fishingby.com.
Aktualnaść prablemy paćvierdzili i inšyja sabakavody. U miescach prahułak niechta pačaŭ masava raskidvać rybu i sała ź ćvikami. Pry hetym nieviadomyja naŭmysna abmotvajuć prynady vialikaj kolkaściu nitak, kab nie dać žyviołam narmalna ich pieražoŭvać, nie prahłytvajučy vostraha mietału.
Rybałoŭ Maksim ź Minska sutyknuŭsia z adnym z złamyśnikaŭ asabista. Pavodle jaho słoŭ, heta adbyłosia kala kalcavoj, dzie jon vypadkova sustreŭ pažyłoha mužčynu, jaki raskidvaŭ pa navakolli napchany drobnymi ćvikami syr.
Ciapier u toj ža miascovaści niechta raźmiaščaje sała ź ćvikami. Z-za prynad žyvadzioraŭ užo paciarpieła niekalki sabak. Pry hetym bolšaść byli całkam chatnimi i vypadkova natrapili na niebiaśpiečnuju «smakatu» padčas prahułki razam z haspadarami.
Takija dziejańni mohuć padpadać pad artykuł 339-1 KK ab žorstkim abychodžańni z žyviołami. Sankcyja praduhledžvaje ad štrafu da papraŭčych rabot, a recydyvistam pahražaje da troch hadoŭ turmy.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami83
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1111
Kamientary