Biełaruskija fury stajać u šmatkiłamietrovych čerhach na miažy Rasii i Kazachstana
Biełaruskija fury stali ŭ šmatkiłamietrovych čerhach na miažy Rasii i Kazachstana. Heta źviazana z tym, što mytnyja słužby dźviuch krain uzmacnili kantrol i pravierku hruzaŭ. Pa słovach kamiercyjnaha dyrektara kampanii «Inter-frejt» Dźmitryja Samuśkova, hałoŭnaj pryčynaj uzmacnieńnia pravierak stali niavyrašanyja pytańni pa mytnych taryfach i roznahałośsi ŭ enierhietyčnaj palitycy, piša Office.Life.
Pavyšanaja ŭvaha da ŭsich hruzaŭ, jakija jeduć u Rasiju, pryvodzić da zatrymki pastavak i rostu vydatkaŭ na łahistyku. Kali fura traplaje na pravierku z ekśpiertyzaj, termin dastaŭki moža pavialičycca ad dvuch tydniaŭ da dvuch miesiacaŭ. Pry drobnych parušeńniach dakumientacyi fury adpraŭlajuć u horad Karabałyk, što znachodzicca za 70 km ad miažy, dla składańnia administracyjnaha pratakołu.
Kazachstan ličycca samym karotkim maršrutam dla dastaŭki tavaraŭ z Kitaja ŭ Biełaruś, i taryfy tam nižejšyja, ale ciapier ryzyki pieravažajuć pieravahi. Dźmitryj Samuśkoŭ raić časova paźbiahać hetaha maršrutu i vykarystoŭvać alternatyvy — praz Manholiju abo praz Zabajkalsk u Rasiju.
Akramia taho, pry imparcie z Kitaja patrabujecca poŭny pakiet dakumientaŭ jašče da vyjezdu kantejniera z Kitaja. Bieź ich tavary mohuć viartać, što stvaraje dadatkovyja vydatki da $20 tysiač. Kitajskija siertyfikaty pavinny być u aryhinale, rasijskija možna padavać u vyhladzie skanaŭ.
Kamientary