26 vieraśnia MUS zrabiła tradycyjny piatničny apdejt «Pieralika hramadzian Biełarusi, zamiežnych hramadzian abo asob biez hramadzianstva, jakija majuć dačynieńnie da ekstremisckaj dziejnaści», piša «Viasna».
Siarod inšych u śpis dadali błohiera Antona Matolku, a taksama šeść čałaviek, jakich asudzili pavodle «narodnaha» artykuła 342 KK, ale vyzvalili ad adkaznaści «ŭ suviazi z vychadam terminu pryciahnieńnia».
Antona Matolku 3 červienia zavočna prysudzili da 20 hadoŭ pazbaŭleńnia voli. Jon abvinavačvaŭsia ŭ zdradzie dziaržavie, arhanizacyi masavych biesparadkaŭ i hrupavych dziejańniaŭ, jakija hruba parušajuć hramadski paradak, zaklikach da zachopu ŭłady, dykredytacyi Biełarusi, abrazie i paklopie ŭ dačynieńni da Łukašenki, raspalvańni varožaści i inš.
Ciapier u «śpisie ekstremistaŭ» 5817 proźviščaŭ.
Kamientary