Biełaruski piśmieńnik i advakat Maksim Znak sioleta staŭ łaŭreatam prestyžnaj uznaharody «Za parušeńnie spakoju», jakuju štohod uručaje advažnamu piśmieńniku ŭ niebiaśpiecy Češski centr Vacłava Havieła ŭ Ńju-Jorku.
Hetaj uznaharodaj adznačajucca piśmieńniki i tvorcy, jakija prajaŭlajuć mužnaść u abaronie praŭdy i svabody. Raniej, u 2021 hodzie, jaje atrymaŭ biełaruski paet Dźmitryj Strocaŭ.
Na cyrymonii, u jakoj brali ŭdzieł kala 300 pradstaŭnikoŭ kultury, dypłamatyi i biznesu, pakazali fotazdymki pastanovak pavodle tvoraŭ Maksima Znaka, byli začytanyja ŭryŭki ź jahonych apaviadańniaŭ.
Śviatłana Cichanoŭskaja, jakaja prysutničała na hetaj cyrymonii, padkreśliła, što los Maksima Znaka šmat u čym nahadvaje šlach Vacłava Havieła, jaki taksama siadzieŭ za kratami za śmiełaść «žyć u praŭdzie».
«Ušanoŭvajučy siońnia Maksima, my ŭšanoŭvajem kožnaha biełarusa, jaki admoviŭsia zdacca. Kožnaha piśmieńnika, kožnaha jurysta, kožnaha žurnalista, jaki abraŭ praŭdu zamiest kamfortu. My ŭšanoŭvajem usich, chto praciahvaje parušać iłžyvuju «cišyniu» tyranii», — skazała jana.
Piać hadoŭ tamu zatrymali Maksima Znaka
Palitviaźniu Maksimu Znaku spoŭniłasia 44 hady, dva z pałovaj ź ich jon u režymie inkamunikada
«Prapanoŭvaŭ dva błoki Winston, kab pieradali Znaku list». Były palitviazień Dźmitry Michajłaŭ — pra Maksima Znaka
Kniha Maksima Znaka «Zekamieron» vyjšła ŭ pierakładzie na dackuju movu
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni9
Kamientary