Maksim Znak byŭ zatrymany ranicaj 9 vieraśnia 2020 hoda ŭ štabie Viktara Babaryki, dzie byŭ jurystam.
Maksima Znaka sudzili razam z paplečnicaj Babaryki Maryjaj Kaleśnikavaj. Sud nad imi pačaŭsia 4 žniŭnia 2021 hoda, praciahvaŭsia miesca i byŭ zakrytym.
Im stavili ŭ vinu złačynstvy pa troch artykułach Kryminalnaha kodeksa:
— č. 1 art. 357 — zmova abo inšyja dziejańni, učynienyja z metaj zachopu ci ŭtrymańnia dziaržaŭnaj ułady niekanstytucyjnym šlacham (da 12 hadoŭ pazbaŭleńnia voli);
— č. 3 art. 361 — zakliki da dziejańniaŭ, skiravanych na pryčynieńnie škody nacyjanalnaj biaśpiecy (da 5 hadoŭ pazbaŭleńnia voli);
— č. 1 art. 361-1 — stvareńnie ekstremisckaha farmiravańnia albo kiraŭnictva im (da 7 hadoŭ pazbaŭleńnia voli).
Advakatam zabaranili paviedamlać abstaviny i chod pracesu.
6 vieraśnia 2021 hoda byŭ vyniesieny prysud: Maksim Znak — 10 hadoŭ, Maryja Kaleśnikava — 11.
Maksim znachodzicca ŭ viciebskaj kałonii №3. Ź lutaha 2023 hoda Maksim Znak zastajecca ŭ režymie inkamunikada — pra jaho amal ničoha nie viadoma, jak i nieviadoma, ci dachodziać da jaho niejkija źviestki z voli.
«Pišam jamu faktyčna kožny tydzień, ale na našy listy niama adkazaŭ užo treci hod», — paviedamlaŭ raniej Radyjo Svaboda adzin sa svajakoŭ palitviaźnia Maksima Znaka.
U źniavoleńni Maksim Znak napisaŭ apaviadańni i vieršy, jakija zdoleŭ pieradać na volu. U vyniku ŭ 2022 hodzie vyjšła jahonaja kniha «Zekamieron», a paźniej pavodle jaje ŭ Varšavie pastavili adnajmienny śpiektakl, u jakim ihrajuć akciory Kupałaŭskaha teatra ŭ vyhnańni.
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary