Zatrymany juryst Maksim Znak — adzin z apošnich členaŭ prezidyuma Kaardynacyjnaj rady na svabodzie
«U 8:30 u Maksima pavinna było być intervju, jon nie zajšoŭ u zum. Ja jamu patelefanavaŭ, jon skazaŭ frazu «padobna chtości da nas pryjšoŭ» i adklučyŭsia, [potym] napisaŭ słova «maski». Ciapier jon niedastupny», — paviedamiŭ pradstaŭnik štaba Babaryki Hleb Hierman.
Maksim Znak u hety čas byŭ u štabie Babaryki.
Paźniej źjaviłasia fota jaho zatrymańnia.
Advakat Znaka Dźmitryj Łajeŭski raspavioŭ TUT.BY, što spravaj zajmajecca Śledčy kamitet.
— Śledčy kamitet pravodzić pracesualnyja dziejańni, pryčyny i padstavy nieviadomyja. Ciapier u Maksima Znaka doma płanujecca pieratrus, — skazaŭ Dźmitryj Łajeŭski.
U štab Babaryki presu nie puskajuć, ale ŭ pamiaškańni znachodziacca ludzi, jakija, miarkujučy pa ŭsim, niešta łamajuć. Da štaba pryjechaŭ Maksim Bahracoŭ, ale ŭ jaho taksama niama nijakaj infarmacyi, akramia zdahadki, što Maksima Znaka dastavili ŭ štab z doma.
Maksim Znak i łaŭreat Nobieleŭskaj premii Śviatłana Aleksijevič byli apošnimi ź siami členaŭ prezidyuma Kaardynacyjnaj rady, jakija znachodziacca na svabodzie ŭ Biełarusi.
Pavieł Łatuška, Bolha Kavalkova byli vymušanyja vyjechać za miažu. Lilija Ułasava znachodzicca ŭ SIZA, Siarhiej Dyleŭski adbyvaje 15 sutak aryštu, adbyŭšy taksama ŭžo inšyja 10 sutak.
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
-
Maładuju dziaŭčynu z Baranavič, jakaja vučyłasia na piedahoha ŭ Hrodnie, aryštavali pa «spravie Hajuna»
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB14
Kamientary