15‑hadovy biełarus debiutavaŭ za junackuju zbornuju Polščy pa futbole
15‑hadovy paŭabaronca Sierafim Bachno, vychavaniec sistemy poznańskaha «Lecha», upieršyniu vyjšaŭ na pole ŭ składzie junackaj zbornaj Polščy (U-16), paviedamlaje vydańnie «Priessboł».
U vieraśni kamanda praviała vučebna-trenirovačny zbor i dva tavaryskija matčy suprać Irłandyi. U pieršaj sustrečy 22 vieraśnia palaki sastupili 0:1 — Bachno adyhraŭ uvieś matč. U hulni ŭ adkaz 25 vieraśnia Polšča pieramahła 3:2, a Sierafim źjaviŭsia na poli paśla pierapynku.
Futbalist maje biełaruskaje i polskaje hramadzianstva. Jon syn Valeryja Bachno, byłoha hulca i treniera mikaševickaha «Hranita».
Starejšy brat Sierafima, Maćviej, vystupaje za moładzievuju zbornuju Biełarusi. Sam ža Sierafim, jak vyhladaje, paličyŭ dla siabie bolš pierśpiektyŭnaj polskuju zbornuju.
Valeryj i Andrej Bachno doŭhija hady byli klučavymi fihurami ŭ «Hranicie». Paśla zaviaršeńnia karjery adzin uznačaliŭ kłub jak trenier, druhi staŭ jaho dyrektaram. Ich dzieci praciahvajuć futbolnuju dynastyju: Maćviej i Sierafim pačynali zaniatki ŭ Bresckim centry alimpijskaha reziervu, a paśla pierajechali ŭ Polšču, dzie vučylisia ŭ akademijach «Delta» i «Lech».
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary