Z Akademii muzyki zvolnili pieršaha prarektara Juryja Karajeva
Pa infarmacyi «Našaj Nivy», heta adbyłosia jašče 8 vieraśnia.
42‑hadovy Juryj Karajeŭ — karenny minčuk. U staličnaj Akademii muzyki jon pačaŭ pracavać jašče ŭ 2008 hodzie, napiaredadni sam jaje skončyŭšy.
Jašče letam jon aktyŭna zajmaŭsia ŭstupnaj kampanijaj u Akademiju, raskazvaŭ miedyja pra ŭviedzieny metavy nabor i nabor budučych unikalnych śpiecyjalistaŭ, jakich prymajuć usiaho raz na 5‑10 hadoŭ — režysioraŭ muzyčnaha teatra i opierna-simfaničnych dyryžoraŭ. Ale z pačatkam navučalnaha hoda Karajeva zvolnili adnym dniom.
Danyja pra dacenta kafiedry charavoha dyryžavańnia Karajeva z raździełaŭ «Kiraŭnictva» i «Vakalna-charavy fakultet» užo vydalenyja. Ale jaho asabistaja staronka na sajcie dahetul adkryvajecca.
U Akademii, kudy žurnalist «Našaj Nivy» dazvaniŭsia jak fizičnaja asoba, admovilisia nazyvać pryčynu zvalnieńnia. Nie viedajuć kankretyki i studenty. Viadoma tolki, što sam Karajeŭ hetaje zvalnieńnie ciapier mocna pieražyvaje.
Vykładčyk napisaŭ šmat dakładaŭ i artykułaŭ pa temie opierna-charavoj dramaturhii. Vystupaŭ u chory Nacyjanalnaj dziaržaŭnaj teleradyjokampanii. Z roznymi kalektyvami hastralavaŭ u Hiermanii, Danii, Irłandyi, Italii, Łatvii, Polščy, Francyi.
Da 2019 hoda źjaŭlaŭsia členam ekśpiertna-mastackaj kamisii śpiecfondu Łukašenki pa padtrymcy talenavitaj moładzi i sam vychavaŭ nie adnaho zornaha vypusknika. Maje niamała padziak i hramat ad kiraŭnictva Akademii muzyki.
Ciapier čytajuć
Čaho čakaje Polšča ad Minska i ci zakryje znoŭ miažu na hetym tydni?26
Kamientary