Zialenski: My budziem nanosić udary ŭ adkaz, kab prymusić Rasiju da dypłamatyi
Prezident Ukrainy Uładzimir Zialenski prakamientavaŭ siońniašniuju načnuju ataku na Ukrainu, jakaja stała adnoj z najbujniejšych u hetym hodzie.
«Bolš za 12 hadzin doŭžyłasia masiravanaja rasijskaja ataka na Ukrainu. Źviarynyja ŭdary, śviadomy i metanakiravany teror suprać zvyčajnych haradoŭ — amal 500 udarnych bieśpiłotnikaŭ i bolš za 40 rakiet, u tym liku «kinžały». Ranicaj znoŭ u našym niebie rasijska-iranskija «šachiedy», — napisaŭ Zialenski.
Asnoŭnymi kirunkami ataki byli Kijeŭ i vobłaść, Zaparožža, Sumščyna, Mikałajeŭskaja, Čarnihaŭskaja, Adeskaja, Chmialnickaja vobłaści.
U vyniku abstrełu ŭ stalicy paškodžany budynak Instytuta kardyjałohii. Pa stanie na ciapierašni čas viadoma pra čatyroch zahinułych u Kijevie, siarod jakich 12‑hadovaja dziaŭčynka. Ahułam va Ukrainie viadoma pra prynamsi 40 paranienych ludziej, siarod jakich jość i dzieci, napisaŭ Zialenski.
Pad abstrełam byli pradpryjemstva pa vytvorčaści chleba, zavod aŭtamabilnaj humy, pryvatnyja i šmatkvaternyja damy i abjekty cyvilnaj infrastruktury.
«Hetaja podłaja ataka adbyłasia faktyčna jak zaviaršeńnie tydnia Hienasamblei AAN, i mienavita tak Rasija zajaŭlaje pra svaju realnuju pazicyju. Maskva choča dalej vajavać i zabivać i zasłuhoŭvaje tolki na samy žorstki cisk śvietu.
Kramlu vyhadna praciahvać hetuju vajnu i teror, pakul jość srodki ad enierhietyki i dziejničaje cieniavy fłot. My budziem i nadalej nanosić udary ŭ adkaz, kab pazbaŭlać Rasiju hetych mahčymaściaŭ zarablać i prymusić da dypłamatyi», — napisaŭ prezident Ukrainy.
Jon zaklikaŭ krainy, jakija chočuć miru, «padtrymać namahańni Prezidenta Trampa i spynić luby rasijski impart». «Čas dla rašučych dziejańniaŭ daŭno nadyšoŭ, i my raźličvajem na mocnuju reakcyju ZŠA, Jeŭropy, «siamiorki», «dvaccatki», — dadaŭ jon.
-
Kamandzir «Azova» Prakapienka staŭ hienierałam
-
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja
-
«Hety ŭdar ciažka pieraacanić». Čym unikalnaja ataka «Fłaminha» na zavod u Votkinsku
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary
Ukraincy, svoimi, tichochodnymi dronami probujut, no, počti ničieho nie doletajet do Moskvy.
Nužny, libo ballistika sriednieho radiusa diejstvija, libo dalnobojnyje, kryłatyje rakiety, udary kotorych podklučajutsia na finalnoj stadii tichochochodov, čieho niet u Ukrainy, kromie tichochodov.
Nado vopros pierieadriesovyvať trampu.