Siamiejnaja drama adnaho z samych viadomych kłoŭnaŭ Biełarusi — žonka addała Vadziku Rakiecie dvuchhadovaha syna i syšła
Vadzik Rakieta byŭ adnym z samych paśpiachovych kłoŭnaŭ Biełarusi. Ale paśla pierajezdu ŭ Kitaj jon źnik z radaraŭ. Ciapier šoŭmien trapiŭ u centr uvahi praz asabistuju historyju: žonka addała jamu vychoŭvać 2‑hadovaha syna. Adzinoki tata atrymaŭ u internecie bolš sarkazmu, čym padtrymki.
Hadoŭ ź dziesiać tamu Vadzik Rakieta (sapraŭdnaje imia Vadzim Vaniuchaŭ) byŭ adnym z samych viadomych kłoŭnaŭ Biełarusi. U 2016 hodzie jon navat udzielničaŭ u brytanskim šou Britain's Got Talent, dzie dajšoŭ da paŭfinału — staŭ adnym z 40 ščaśliŭčykaŭ. Miž inšym, na hetyja miescy pretendavała 90 tysiač čałaviek.
Kab vystupić u paŭfinale, mužčyna sabraŭ danatami pryblizna $5600.
U 2017 hodzie Vadzim razam z «čałaviekam-bajanam» Vitalem Varanko šturmavaŭ nacyjanalny adbor na «Jeŭrabačańnie». Jaho karjera składvałasia davoli paśpiachova: jon byŭ zapatrabavanym viadučym, mieŭ aŭtarskaje zabaŭlalnaje šou dla dziaciej, siadzieŭ u žury prajekta ANT «Talent krainy».
Niahledziačy na pryznańnie na ajčynie, Vadzim vyrašyŭ pasprabavać svaje siły ŭ Kitai. Tudy jon źjechaŭ u 2018-m. Jon raskazvaŭ, što pieršapačatkova jechaŭ pracavać nastaŭnikam anhlijskaj movy, ale litaralna praź niekalki miesiacaŭ zrazumieŭ, što heta nie zusim jaho, i staŭ rabić adukacyjna-zabaŭlalnyja šou dla dziaciej i studentaŭ.
Jon taksama raspavioŭ, što ŭ Kitai zarablaje ŭ piać razoŭ bolš, a žonka z dočkami čas ad času pryjazdžaje da jaho.
A dalej Vadzik Rakieta źnik ź biełaruskaj infaprastory.
Ciapier u sacsietkach Vadzima paznačana, što jon zasnavalnik kampanii Artchain Foundation, jakaja zarehistravanaja ŭ Hankonhu, zajmajecca kryptaprajektami. Ale ŭ «Treds» mužčyna raspaviadaje pra pośpiechi ŭ anhlijskaj movie svaich vučniaŭ. A ŭ kamientaryjach udakładniaje pra Vjetnam i nazyvaje siabie artystam, chareohrafam i nastaŭnikam.
Dniami Vadzim napisaŭ, što maci jaho syna (jak možna zrazumieć z kamientaryjaŭ, havorka idzie pra druhuju žonku) admoviłasia ad dvuchhadovaha dziciaci: «Jaho maci siońnia admoviłasia ad jaho. Padpiša ŭsie dakumienty. Ja bolš nie viedaju, što skazać i ŭvohule što kazać u takich situacyjach. Vučusia žyć pa-novamu razam z synam. U nas usio atrymajecca».
Dopis vyklikaŭ rezanans i nabraŭ užo bolš za 1700 kamientaryjaŭ. Ale ž Vadzim atrymaŭ bolš sarkazmu, čym padtrymki.
Adno z samych załajkanych mierkavańniaŭ hučyć tak: «Voś heta numar, tak? Baćka zastaŭsia ź dziciom, budzie hadavać jaho adzin. A nie jak my ŭsio pryvykli. Jak pałova žančyn i ź niekalkimi dziećmi! Miljony žančyn. Kali baćki zvalvajuć na zachad. Siensacyja, sapraŭdy? Dzicia vaša, nie z vulicy padabranaje, samarobnaje. Navat nie niemaŭla. Nyć i hierojničać niama nijakich pryčyn. Heta nie podźvih, a vaš pramy abaviazak! Spačuvajem tolki žoncy. Da jakoha adčaju treba było davieści žančynu, što jana apynułasia ŭ takoj situacyi?».
Kahości aburyła toje, što baćka tolki źbirajecca vučycca žyć razam z synam. Sam Vadzim rastłumačyŭ, što jaho sapraŭdy amal nie było doma, bo jon šmat času pryśviačaŭ pracy.
Kazali pra dvajnyja standarty: «Treds» razryvajecca ad paviedamleńniaŭ mužčyn pra padstupnyja sudy, jakija pakidajuć dziaciej maci. Žančyna: «Nu na, sam haduj». Mužčyna ŭ šoku: «Nie viedaju, što skazać… vučusia žyć».
Žančyny dzialilisia iraničnymi łajfchakami: «Zaraz ja vam napišu instrukcyju pa vyžyvańni. Ranicaj ustali, na knopačku nacisnuli i śniadanak hatovy. Posud u pasudamyjku, na knopačku nacisnuli. Dzicia ŭ sadok, vy biahom na pracu. Z pracy chucieńka ŭ supiermarkiet pa ježu i za dziciom u sadok. Prychodźcie, knopku naciskajecie i viačera hatovaja. Posud u pasudamyjku, robat-pyłasos uklučyli, prałku ŭklučyli, dzicia pamyli, u cacki pahulali, knižku pačytali, spać pakłali, dalej atrymlivajecie asałodu ad svajho volnaha času. I ŭ takim režymie tolki hadoŭ 8-10».
Žartavali nakont taho, što ciapier tata na alimienty zmoža adpačyvać na Maldyvach.
Ale ŭsio ž znajšlisia i tyja, chto škadavaŭ maleńkaha chłopčyka, jaki ŭ lubym vypadku trapiŭ u składanuju situacyju i zastaŭsia biez adnaho z baćkoŭ.
Ciapier čytajuć
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi8
Kamientary
Treba doma byvać nie hościem...
No dažie jeśli b vaša tieorija była vierna: hdie vaša radosť za mužčinu? Von jemu hotovoho riebionočka otdali, dažie sudiťsia nie prišłoś. Sčitajtie nachalavu otkrył "alimientnyj biźnies"