I zadajucca pytańniem, čamu ŭ ES niama miesca za stałom pieramovaŭ
Mirny płan, prapanavany ZŠA, vyklikaŭ u jeŭrapiejskich čynoŭnikaŭ tryvohu, piša Politico, pahavaryŭšy ź niekalkimi surazmoŭcami.
Jany vyražajuć zaniepakojenaść, bo Jeŭropa była poŭnaściu adchilenaja ad raspracoŭki płana, a hałoŭnym čynam — tamu, što, pa ich mierkavańni, sastupki Rasii tolki padšturchnuć Uładzimira Pucina da nastupnaha napadu na NATA.
«Viadoma, heta vyklikaje zaniepakojenaść, ale nam treba prytrymlivacca svajoj pazicyi. Kali Rasija vyjdzie suchoj z vady, heta tolki pytańnie času, kali my ŭbačym bolš rasijskaj ahresii — va Ukrainie, a taksama suprać krain ES i NATA», — kaža jeŭrapiejski dypłamat.
Jašče adzin znajomy z płanam jeŭrapiejski čynoŭnik nazyvaje jaho «naboram punktaŭ, kab zadavolić Pucina». «Ale sihnały takija, što ŭkraincy pavinny jaho pryniać», — dadaje jon.
Taksama ŭ ES zaniepakojenyja adsutnaściu «miesca za stałom pieramovaŭ». «Jak tak atrymlivajecca, što ŭ jeŭrapiejcaŭ tak mała ŭpłyvu, navat kali ciapier mienavita my całkam apłačvajem rachunak?» — kaža vysokapastaŭleny jeŭrapiejski čynoŭnik, nazvaŭšy prapanavanyja Ukrainie sastupki «nieracyjanalnymi».
Pavodle słoŭ niamieckaha čynoŭnika, fiederalny kancler Hiermanii Frydrych Mierc «vielmi intensiŭna» pracuje nad kaardynacyjaj jeŭrapiejskaha adkazu, jaki ŭtrymlivaŭ by mirnuju prapanovu na pravilnym dla Ukrainy šlachu.
Jon nazyvaje novy płan Trampa prykładam jaho «kłasičnaj stratehii: akazvać cisk na ŭsich i adrazu».
Kamientary
A prosta dapamahčy Ukrainie vyjhrać vajnu ŭ Rasiei (dać nieabchodnuju zbroju, vojski, dazvolić bić pa terytoryi Rasiei) nie choča...
Nu a Ukraina (sa svaimi vidavočnymi chibami i uraźlivaściami) tut stanovicca achviaraj z dvuch bakoŭ. Eŭropa nie zdolna supraćstajać ZŠA na sieńniašni dzień