ZŠA patrabujuć ad Ukrainy pahadzicca na mirny płan Uitkafa-Dźmitryjeva da 27 listapada
Administracyja Donalda Trampa mocna ciśnie na Ukrainu, patrabujučy pahadzicca na amierykanska-rasijski mirny płan da Dnia padziaki, jaki budzie adznačacca 27 listapada. Pra heta piša Financial Times sa spasyłkaj na ŭkrainskich vysokapastaŭlenych čynoŭnikaŭ i asob, znajomych z chodam pieramovaŭ.
Napiaredadni FT paviedamiła, što Złučanyja Štaty patrabujuć ad Kijeva zaćvierdzić mirny płan, raspracavany śpiecyjalnym pasłanikam Donalda Trampa Styvam Uitkafam i dziaržsakratarom Marka Rubia ŭ supracoŭnictvie z rasijskimi pieramoŭnikami. Dakumient z 28 punktaŭ, užo ŭchvaleny prezidentam Donaldam Trampam, praduhledžvaje istotnyja sastupki z boku Ukrainy.
«Pavodle słoŭ ludziej, znajomych z detalami pahadnieńnia, Tramp patrabuje ad Ukrainy admovicca ad padkantrolnych joj terytoryj Danbasa, skaracić kolkaść Uzbrojenych sił udvaja i admovicca ad žyćciova važnych katehoryj uzbrajeńniaŭ».
Ukrainskija čynoŭniki paviedamili FT, što administracyja Trampa pastaviła «ahresiŭnyja» terminy, kab paśpieć padać pahadnieńnie Maskvie da kanca listapada i zaviaršyć praces na pačatku śniežnia. Pry hetym ukrainskija słužbovyja asoby adznačajuć, što šerah pałažeńniaŭ dakumienta źjaŭlajucca nieprymalnymi i zaraz viadziecca praca nad sustrečnymi prapanovami.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary