«Heta što za virus?» Prychilnicy Łukašenki nie spadabalisia nadpisy na dziciačaj placoŭcy
Prychilnica Łukašenki nie zadavolenaja situacyjaj na dziciačaj placoŭcy ŭ rajonie «Minsk-Śviet». Pa jaje słovach, tam pastajanna praciahvajuć źjaŭlacca nadpisy z narodnymi łozunhami, takimi jak «Vierym, možam, pieramožam», a taksama biełyja pałoski na čyrvonym pakryćci, što ŭtvarajuć bieł-čyrvona-bieły ściah, zaŭvažyła BGmedia.
Žančyna pad nikam lana.holl apublikavała ŭ tyktoku videa, u jakim pakazała dziciačuju placoŭku, dzie, pavodle jaje słoŭ, «ludzi ŭsio nijak nie supakojacca».
Placoŭku rehularna razmaloŭvajuć, i aŭtarka nie razumieje, što ruchaje tymi, chto heta robić.
«Napeŭna, heta niejki virus ich mocna trymaje, što im ničoha nie dapamahaje. Usio pieramožam, vierym… Ja nie mahu. Ich napeŭna niejak pakusali? Voś hetyja malunki tut źjaŭlajucca kožny raz! Ich začyščajuć, ale jany nanova źjaŭlajucca. Voś što ludziam treba? U kaho mozh prosta ŭžo zhniŭ… Voś heta napeŭna malujuć padletki chutčej za ŭsio. Im hod pa dziesiać, maksimum dvanaccać. Razmovy ich taksama možna pasłuchać, tam vušy ŭžo skručvajucca», — adznačaje aŭtarka videa.
Žančyna aburajecca tym, što nadpisy źnikajuć tolki na karotki čas, bo ludzi viartajucca i malujuć ich nanoŭ.
@lana.holl #biełaruś #bčb #minsk #horod ♬ Oh No - Kreepa
U kamientarach sustrelisia prychilniki Łukašenki, jakija pahadzilisia z aŭtarkaj videa. Niekatoryja ź ich adznačyli, što hetyja nadpisy vielmi strašnyja, i za ich ludziej treba sadžać u turmy ci pryciahvać da hramadskich rabot.
Adnak sustrelisia i tyja kamientatary, jakija padtrymali mastakoŭ.
- «Dzieci vierać u lepšaje. My ŭ dziacinstvie taksama malavali svaju budučyniu».
- «Cha-cha! Minčuki viedajuć, kudy pierajechała vioska!», — žartujuć ludzi pra aŭtarku videa.
- «Dzieci malujuć krejdaj, tak było zaŭsiody. Nie baču prablem. Biełaruskuju movu praktykujuć».
«Łukašenka prosta nie viedaje». Jabaćku, jaki vykładaŭ u tyktok videa pra bulinh dački, pasadzili na paŭtara miesiaca
Prychilnicu Łukašenki aburyli ceny na jaho partrety. Ludzi joj adkazali
«Sprava dvarovych čataŭ»: jak čaty susiedziaŭ pieratvarylisia ŭ kryminalnuju spravu
«Biełaruś źnikaje» — tyktok plujecca z nahody pierajmienavańnia prypynkaŭ
Ciapier čytajuć
Zatrymany eks-kiraŭnik RRB-Banka Vital Drankievič, u minułym sam śledčy1
Zatrymany eks-kiraŭnik RRB-Banka Vital Drankievič, u minułym sam śledčy
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary
Bajusia tolki, kab praz kamiery nie adsačyli. (Tak, tak, 2025 h. karniki śladziać za dziciačymi placoŭkami).