Prakurory patłumačyli, čamu pryznali ekstremizmam Radu ministraŭ Paŭnočnych krain
Babrujskija prakurory vyrašyli apraŭdacca z-za pryznańnia ekstremisckimi staronak Rady ministraŭ Paŭnočnych krain.
2 kastryčnika ŭ sudzie Babrujska i Babrujskaha rajona pryznali «ekstremisckimi» sajt i staronki ŭ Facebook Rady ministraŭ Paŭnočnych krain i Uschodniejeŭrapiejskaha demakratyčnaha centra. Bolš čym praz 1,5 miesiaca namieśnik prakurora Babrujska Dzianis Bialaŭski raspavioŭ, čamu tak adbyłosia, piša «Viasna».
Pavodle jaho, na resursach Rady ministraŭ «sistematyčna nieŭstanoŭlenymi asobami raźmiaščajucca fatahrafii, jakija źmiaščajuć vyjavy ekstremisckaj simvoliki i atrybutyki. Akramia taho, u asobnych publikacyjach źmiaščajucca zakliki da aktyvizacyi pratesnaha ruchu, zaviedama iłžyvyja źviestki ab chodzie praviadzieńnia vybaraŭ u Respublicy Biełaruś, pravavym stanoviščy hramadzian, infarmacyja, jakaja dyskredytuje dziejańni supracoŭnikaŭ orhanaŭ unutranych spraŭ».
Nahadajem, Rada ministraŭ Paŭnočnych krain — heta mižuradavy forum, stvorany paśla Chielsinkskaj damovy. Meta Rady — sadziejničać supracoŭnictvu pamiž Paŭnočnymi krainami.
Kamientary