Da ranicy piatnicy nivodny hruzavy aŭtamabil ź litoŭskimi numarami tak i nie ŭjechaŭ u krainu.
Niahledziačy na adnaŭleńnie pracy pamiežnych punktaŭ na biełaruskim napramku, užo druhija sutki zapar hruzaviki litoŭskich pieravozčykaŭ zastajucca pa toj bok miažy. Pra heta paviedamiŭ pradstaŭnik Słužby achovy dziaržaŭnaj miažy Litvy, piša LRT.
Jak adznačyŭ Hiedruc Mišucis, da ranicy piatnicy nivodny hruzavy aŭtamabil ź litoŭskimi numarami tak i nie ŭjechaŭ u krainu.
«Ničoha nie źmianiłasia, i pryčyn, čamu litoŭskija mašyny nie ruchajucca, my pakul nie bačym», — skazaŭ Mišucis.
Pavodle jaho słoŭ, punkty propusku pracujuć u zvyčajnym režymie, ich prapusknaja zdolnaść dazvalaje absłuhoŭvać bolš transpartu.
«Pierasiakajuć miažu lehkavyja aŭtamabili, prachodziać i hruzaviki inšych krain — u asnoŭnym z Rasii, dzie kiroŭcam aformleny sproščanyja dakumienty. Sami punkty propusku pracujuć u štatnym režymie, jany poŭnaściu hatovy prapuskać i inšyja transpartnyja srodki, asabliva vielikahruzy, ale mašyny ź litoŭskimi numarami pa-raniejšamu nie źjaŭlajucca», — adznačyŭ jon.
Mišucis dadaŭ, što adrazu paśla adkryćcia miažy niekalki litoŭskich hruzavikoŭ usio ž praśledavali ŭ napramku Biełarusi, ale ruch u bok Litvy tak i nie adnaviŭsia.
-
Palaki razabrali na miažy aŭtamabil žonki važnaha biełaruskaha čynoŭnika. U pošukach narkotykaŭ
-
Kiraŭnika adździeła Support Desk Technologies asudzili na piać hadoŭ kałonii — mierkavana, za danaty na padtrymku Ukrainy
-
Apple abnaviła spadarožnikavyja zdymki Minska. Ciapier heta samyja śviežyja kaśmičnyja zdymki stalicy
Kamientary