Dziŭnuju i złaviesnuju karcinu Frydy Kała kupili za rekordnyja dla žančyny-mastački hrošy
Aŭtapartret mieksikanskaj mastački Frydy Kała pradadzieny na aŭkcyjonie Sotheby’s u Ńju-Jorku za $54,7 młn.
Heta stała rekordnaj canoj dla pracy žančyny-mastački, piša The Guardian.
Tarhi praciahvalisia 4 chviliny, imia pakupnika nie raskryvajuć.
Karcina pad nazvaj El sueño (La cama), abo «Son» («Kroŭ»), była napisana ŭ 1940 hodzie. Na joj Fryda Kała adlustravała siabie, jakaja śpić u łožku. Na bałdachinie nad joj — škilet, što paśmichajecca, jon abmotany dynamitam.
Cikava, što pracy Frydy Kała, jakija znachodziacca ŭ muziejach i pryvatnych kalekcyjach na terytoryi Mieksiki, ličacca pomnikami mastactva i zabaronienyja dla prodažu. Vystaŭlenaja na aŭkcyjonie praca była ŭ pryvatnaj kalekcyi, imia ŭładalnika jakoj nie raskryvajecca.
Raniej samaj darahoj pradadzienaj na aŭkcyjonie karcinaj žančyny-mastački była praca amierykanki Džordžyi O'Kif «Durman / Biełaja kvietka № 1». Jaje kupili ŭ 2014 hodzie za $44,4 młn.
Dniami karcinu Hustava Klimta «Partret Elizabet Lederer» pradali za rekordnyja hrošy — 236 młn dalaraŭ.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ18
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary
Alie, paviercie, takija karciny, heta abaviazkova, i zaŭždy, niejki mesydž. Kštaltu, jak son, viedać sens jakoha dadziena tolki liudziam admyslova adoranym.
Tut treba b viedać bijahrafiju tvorcy i akaličnaści jejnaha žyćcia, padrabiazna, tady, mahčyma, možna bylo b rasšyfravać.