U hetym miescy budzie iści most, jaki źviaža Kamiennuju Horku i Ždanovičy.
Na rynku «Ždanovičy» ŭ Minsku źnieśli šerah paviljonaŭ, u tym liku zakusačnyja, siarod jakich i papularny «Sajhon». Tak rychtujuć placoŭku dla budaŭnictva puciepravoda z Kamiennaj Horki ŭ Lebiadziny praz Ždanovičy. Fatahrafii apublikavaŭ Dzianis Blišč u telehram-kanale «Minsk i minčanin».
Puciepravod praz čyhunku buduć budavać u rajonie vulic vulica Kaleśnikava — vulica Cimirazieva, piša Realt.by.
Voś jak pra hetuju budoŭlu naprykancy minułaha hoda kazaŭ dyrektar «Hardarbuda» Siarhiej Panieŭ: «Heta davoli składany abjekt, ale adnačasova vielmi cikavy. My damo svojeasablivy niepubličny start farmavańniu treciaha kalca pa terytoryi Minska praz złučeńnie vulic Kaleśnikava i Cimirazieva z dalejšaj mahčymaściu vychadu transpartnaha patoku na praśpiekt Niezaležnaści. Dumajem, heta daść stanoŭčy efiekt u razhruzcy hetaha vuzła — źniknuć zatory z kalcavoj darohi da stancyi «Ždanovičy».
Ciapier u Ždanovičach užo pajšoŭ pad znos šerah paviljonaŭ, uklučajučy zakusačnyja (usim viadomy «Sajhon» i nie tolki). A na placoŭcy, dzie raniej stajali stały z adzieńniem sekand-chend, arhanizavali časovuju parkoŭku. Z boku vulicy Kaleśnikava źjaviłasia aharodža budaŭničaj placoŭki.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary