Tramp: Ceny na naftu ŭpaduć paśla źniščeńnia jadziernaj prahramy Irana
«Tolki durni mohuć dumać inakš!» — napisaŭ prezident ZŠA.
Ceny na naftu ŭpaduć paśla likvidacyi jadziernaj pahrozy z boku Irana, napisaŭ Donald Tramp u svajoj sacyjalnaj sietcy Truth Social.
«Karotkaterminovy rost cen na naftu, jaki chutka pojdzie na spad paśla zaviaršeńnia likvidacyi jadziernaj pahrozy z boku Irana, — heta nikčemna małaja cana, jakuju Złučanyja Štaty Amieryki i ŭvieś śviet płaciać za biaśpieku i mir. Tolki durni mohuć dumać inakš!» — havorycca ŭ paviedamleńni.
Ranicaj u paniadziełak u Azii nafta marki Brent daražeła prykładna na 20% — da 119 dalaraŭ za baral, a amierykanskaja nafta Nymex Light Sweet vyrasła bolš čym na 17% — da 106,77 dalara.
Fjučarsy na Brent z pastaŭkaj u mai na łondanskaj biržy Intercontinental Exchange vyraśli na 25% — da 116 dalaraŭ za baral.
Na minułym tydni rynki zachoŭvali adnosny spakoj, choć miljony baralaŭ nafty i zvadkavanaha pryrodnaha hazu akazalisia zabłakavanymi ŭ Piersidskim zalivie z-za prablem z prachodam praz Armuzski praliŭ.
Adnak eskałacyja ŭ vychodnyja, a taksama kadry razbureńnia enierhietyčnaj infrastruktury jak u Iranie, tak i ŭ krainach Piersidskaha zaliva, vyklikali rezkuju tryvohu na rynkach.
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj99
Kamientary