Ekśpierty ŭstanavili pryčynu śmierci troch čałaviek, čyje trupy byli vyjaŭlenyja ŭ Bychavie
Zdareńnie adbyłosia 6 žniŭnia.
Uviečary ŭ RAUS pastupiła paviedamleńnie ad miascovaj žycharki pra toje, što jaje susiedzi nie vychodziać na suviaź, a z kvatery danosicca niepryjemny pach. Supracoŭniki milicyi, što prybyli na miesca zdareńnia, znajšli ŭ domie troch pamierłych.
Dla identyfikacyi sudovyja ekśpierty praviali daktyłaskapičnaje daśledavańnie. Pa vynikach pravierki adbitkaŭ palcaŭ u daktyłatecy DKSE byli ŭstanoŭlenyja asoby pamierłych — heta 62– i 59‑hadovyja mužčyny i 58‑hadovaja žančyna. Hramadzianie złoŭžyvali śpirtnymi napojami, viali asacyjalny ład žyćcia, paviedamlaje Dziaržkamitet sudovych ekśpiertyz.
Zhodna z zaklučeńniami ekśpierta, śmierć nastupiła ŭ vyniku vostraha atručvańnia etylenhlikolem. Heta paćviardžałasia najaŭnaściu rečyva ŭ kryvi, mačy, myšačnaj tkancy i ŭnutranych orhanach, a taksama šmatlikimi kryštalami aksałataŭ kalcyju ŭ praśvietach nyračnych kanałaŭ. Atručvańnie adbyłosia ŭ vyniku ŭździejańnia etylenhlikolu ŭ praźmiernaj kancentracyi niezadoŭha da nastupleńnia śmierci.
Taksama było daśledavana źmieściva kanfiskavanych u domie butelek. U vadkaści adnoj ź ich taksama vyjavili etylenhlikol, jaki, darečy, šyroka vykarystoŭvajecca pry vytvorčaści aŭtamabilnych techničnych vadkaściaŭ, takich jak antyfryz i tasoł.
Kamientary