U Biełarusi zdymuć sieryjał ab prablemach u siemjach siłavikoŭ u 2020 hodzie
«Scenaryj prabivaje na ślazu», — zapeŭnivaje ministr unutranych spraŭ Ivan Kubrakoŭ.
U Biełarusi rychtujucca da zdymak maštabnaha prapahandysckaha sieryjała, jaki pavinien stać padarunkam da 110‑hodździa milicyi. Ministr unutranych spraŭ Ivan Kubrakoŭ anansavaŭ 24 sieryi, piša Sputnik.
«My ŭnieśli prapanovu, ja spadziajusia, što ŭ nas atrymajecca, bo abjom pracy vielmi vialiki. Pačynajucca ŭ hetym hodzie zdymki mastackaha filma, pryśviečanaha biełaruskaj milicyi, 24 sieryi na 3 siezony. Film budzie nazyvacca «Słova aficera». Jon budzie pryśviečany dynastyjam biełaruskich milicyjanieraŭ, pačynajučy z 1941 hoda i pa 2020-y», — skazaŭ Kubrakoŭ.
Pavodle jaho słoŭ, u ciapierašni čas idzie praca nad scenaryjem, u sieryjale pakažuć žyćcio milicyjanieraŭ i ich siemjaŭ. Pa słovach Kubrakova, užo hatovy scenaryj dla čatyroch sieryj, atrymlivajecca «žyćciova».
Šmatsieryjny film pavinien achapić vialiki pieryjad, pačynajučy z 1941 hoda. U tym liku ŭ sieryjale budzie pakazany i 2020 hod i tyja pytańni, jakija «ŭźnikali ŭ siemjach pravaachoŭnikaŭ na fonie vykanańnia imi svajho słužbovaha abaviazku».
Kubrakoŭ dadaŭ, što sieryjał pavinien atrymacca cikavym, a scenaryj «prabivaje na ślazu».
Premjera zapłanavana na 4 sakavika 2027 hoda — u dzień 110‑hodździa milicyi.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary
Biełsat užo ŭsio zrabiŭ
Sieryjał "Pracesy"