Stała viadoma, kali ŭ Minsku startuje siezon prakatu samakataŭ
Siezon prakatu elektrasamakataŭ u stalicy płanujuć adkryć 15 sakavika. Pra heta paviedamili ŭ efiry telekanała STB.
U novym siezonie dla samakataŭ buduć dziejničać aŭtamatyčnyja abmiežavańni chutkaści. U peŭnych miescach horada — u parkach, na płoščach i nabiarežnych — chutkaść budzie aŭtamatyčna źnižacca da 15 km/h. Pry hetym maksimalnaja chutkaść ruchu na elektrasamakatach uvohule nie zmoža pieravyšać 25 km/h.
Sa słoŭ pradstaŭnika servisu Whoosh Alaksandra Kalady, u horadzie taksama vyznačanyja śpiecyjalnyja zony dla pavyšeńnia biaśpieki piešachodaŭ. Akramia taho, na niekatorych skryžavańniach chutkaść budzie prymusova źnižacca da 7 km/h, kab źmienšyć ryzyku avaryj z aŭtamabilami.
U Biełarusi ŭžo dziejničajuć abnoŭlenyja praviły darožnaha ruchu dla karystalnikaŭ elektrasamakataŭ i ravarystaŭ. Jany ŭstupili ŭ siłu 1 vieraśnia 2025 hoda. Hetyja praviły vyznačajuć abmiežavańni chutkaści, paradak ruchu pa chodnikach i vieładarožkach, a taksama praviły pierasiačeńnia skryžavańniaŭ.
Kali karystalniki buduć parušać praviły, servisy prakatu buduć prymianiać miery: spačatku papiaredžańnie, a ŭ krajnim vypadku — błakavańnie akaŭnta.
Pavodle statystyki servisaŭ prakatu, bolšaść karystalnikaŭ elektrasamakataŭ — ludzi va ŭzroście 25—35 hadoŭ. Časta jany vykarystoŭvajuć samakaty, kab dajechać ad mietro da pracy abo chutka pieramiaščacca pa centry horada pamiž roznymi miescami.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary