Avijakampanija «Biełavija» časova prypyniła vykanańnie rehularnych rejsaŭ u Dubaj i nazad da 28 sakavika 2026 hoda. Pryčyna — adklikańnie słotaŭ i dazvołaŭ avijacyjnymi ŭładami emirata, paviedamili ŭ kampanii.
Dla pasažyraŭ, jakija znachodziacca ŭ AAE, arhanizujucca śpiecyjalnyja vyvaznyja rejsy. Pieršy taki rejs z Dubaja zapłanavany na sieradu, 11 sakavika. Kupić kvitki na jaho mohuć taksama pasažyry, u jakich raniej nie było kvitkoŭ «Biełavija».
Akramia taho, kampanija prapanuje viartańnie kvitkoŭ biez štrafaŭ dla:
- admienienych rejsaŭ u Dubaj i nazad;
- rejsaŭ z datami vyletu 29, 30 i 31 sakavika 2026 hoda.
Z 6 da 8 sakavika ŭžo byli vykananyja try vyvaznyja rejsy z Dubaja, jakija dastavili ŭ Biełaruś 645 čałaviek. Dva rejsy vykonvalisia na Boeing— 737‑800 z techničnaj pasadkaj u kazachstanskim Aktaŭ, adzin — na Airbus A330-200. Adzin rejs zaraz znachodzicca ŭ darozie z Dubaja ŭ Minsk.
U «Biełavija» adznačyli, što praciahvajuć pracavać nad atrymańniem novych słotaŭ i dazvołaŭ dla adnaŭleńnia rehularnych palotaŭ i sočać za raźvićciom situacyi.
60% arhanizavanych biełaruskich turystaŭ užo vyvieźli z krain Blizkaha Uschodu.
«Biełavija» adkryła prodaž kvitkoŭ na rejsy z Dubaja. Kolki kaštuje?
FlyDubai pačała vyvozić biełarusaŭ z AAE, ale nie ŭ Biełaruś
Biełaruskija turysty, jakija nabyli tury ź Minska ź pieralotam FlyDubai, sutyknulisia ź ciažkaściami
Kamientary