U Dziaržynskaj balnicy pamierła paradzicha, dzicia taksama nie vyratavali
U sacsietkach źjaviłasia infarmacyja pra hibiel maci i niemaŭlaci ŭ Dziaržynskaj CRB. «Učora, 8 sakavika, adyšli vody, pavieźli ŭ balnicu i nie vyratavali ni paradzichu, ni dačku», — napisała dziaŭčyna, jakaja pradstaviłasia kalehaj zahinułaj maładoj žančyny. Žurnalistu vydańnia «Anłajnier» paćvierdzili hetu infarmacyju ŭ balnicy.
Trahiedyja adbyłasia ŭ niadzielu, 8 sakavika. Pavodle słoŭ kalehi, zahinułaja dziaŭčyna niadaŭna vyjšła zamuž, joj było 26 hadoŭ. Para čakała dziaŭčynku — heta było ich pieršaje dzicia.
Miesiac tamu dziaŭčyna pajšła na balničny pa ciažarnaści.
«Anafiłaktyčny šok, usio vielmi chutka. Termin prykładna 34 tydni. […] Daviedalisia ad jaje maci, jakaja siońnia z ranicy zajšła da nas u kabiniet u isterycy daviedacca, jakija dakumienty treba sabrać», — napisała ŭ paście kaleha.
«Anłajnier» źviazaŭsia z hałoŭnaj doktarkaj Dziaržynskaj CRB Alenaj Padalančyk. Jana paćvierdziła hibiel maci i niemaŭlaci:
«Pakul tolki skažu: miedyki zrabili ŭsio, što zmahli. Heta ja kažu z usioj adkaznaściu: usio, što zmahli».
Aficyjnaj infarmacyi pra pryčyny taho, što zdaryłasia, pakul niama.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary