Mnohija žychary zachodnich abłaściej FRH nazirali ŭ niebie śvietłavuju źjavu. Paźniej vyśvietliłasia, što havorka idzie pra mietearyt. Jaho abłomki paškodzili dachi niekalkich žyłych damoŭ.
Viečaram 8 sakavika mnohija žychary zachodnich abłaściej Hiermanii bačyli ŭ niebie niezrazumiełuju śvietłavuju źjavu. Vidavočcy, jakija nazirali jaje ŭ Nižniaj Saksonii, Hiesienie, Rejnłand-Pfalcy, Saary, Baden-Viurtembierhu i Paŭnočnym Rejnie — Viestfalii, publikavali ŭ sacyjalnych sietkach videa i fatahrafii.
#meteor #castrop #herne #Astrology
Einfach ein Meteor über CAS/Herne !! #Space #Starlink #tesla pic.twitter.com/Fa67CX5xHm
Meteor gesichtet in 54526 Landscheid RLP, Deutschland. #Sichtung #feuerball #meteor #Meteorit pic.twitter.com/gkGsW1iwuH
Frahmienty mietearyta paškodzili niekalki žyłych damoŭ na zachadzie Hiermanii. Palicyja paviedamiła ŭ niadzielu, 8 sakavika, što infarmacyja ab paškodžańniach pastupiła, u pryvatnaści, z horada Koblenc, a taksama hornych masivaŭ Chunsruk i Ajfiel u fiederalnaj ziamli Rejnłand-Pfalc, piša DW.
U apieratyŭnym štabie palicyi ŭkazali, što kala 19:00 na dach žyłoha doma ŭ rajonie Koblenca Hiuls upała «zharełaje niabiesnaje cieła». U vyniku incydentu nichto nie paciarpieŭ, na miesca prybyli pažarnyja i palicyjanty, adnak niebiaśpieki bolš niama. Pavodle danych ahienctva AFP, majucca źviestki pra toje, što i ludzi atrymali ranieńni.
Vor 5 Stunden noch im All, jetzt schon in einem Short vom SWR: https://t.co/EVAgTbXOrU#Meteor #Sternschnuppe #Fireball #Meteorite pic.twitter.com/yKvDer7ir2
Mietearytami nazyvajucca askołki asteroidaŭ, jakija raspadajucca na mnostva drobnych častak pry traplańni ŭ atmaśfieru Ziamli. Niekatoryja ź ich zharajuć, inšyja padajuć na Ziamlu.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary