Zialenski: Vajna ŭ Iranie vyklikaje niadobryja pradčuvańni pra budučyniu Ukrainy
«Našy dypłamatyčnyja sustrečy, trochbakovyja sustrečy, pastajanna adkładajucca».
Prezident Ukrainy Uładzimir Zialenski, znachodziačysia ź vizitam u Vialikabrytanii, daŭ intervju viadučaj Bi-bi-si Łory Kiunśbierh. Siarod inšaha Kiunśbierh spytała Zialenskaha, ci turbuje jaho, što kanflikt na Blizkim Uschodzie adciahnie ŭvahu ludziej ad taho, što adbyvajecca va Ukrainie.
«U mianie vielmi niedobryja pradčuvańni pra ŭździejańnie hetaj vajny na situacyju va Ukrainie, — adkazaŭ pa-anhlijsku Zialenski. — Fokus uvahi Amieryki — bolš na Blizkim Uschodzie, čym na Ukrainie, na žal. Tamu — vy bačycie što. A pryčyna adna — vajna ŭ Iranie».
Na ŭdakładniajučaje pytańnie, jak praciakaje ŭ hetyja dni pieramoŭny praces, Zialenski adkazaŭ: «Prezident Tramp zasiarodžany na Iranie. Pieramoŭnyja hrupy pamiž saboj razmaŭlajuć. Naša hrupa havoryć z amierykanskim bokam kožny dzień. Ja viedaju, što amierykancy taksama havorać z rasijanami kožny dzień».
«Amierykanski bok z-za hetaj vajny ŭ Iranie skazaŭ, što hatovy pryniać abodva baki ŭ Amierycy. My paćvierdzili svoj udzieł, ale ruskija suprać sustrečy ŭ Złučanych Štatach Amieryki. Tamu my pakul sprabujem fakusavacca na Amierycy, prapanoŭvajučy datu i miesca. Ukraina padtrymaje lubuju datu i luboje miesca, ale dakładna nie ŭ Rasii», — dadaŭ ukrainski prezident.
Adkazvajučy na pytańnie, ci zrabili dziejańni Trampa śviet bolš niebiaśpiečnym, Zialenski skazaŭ: «U mianie nie budzie spraviadlivaha adkazu na heta. Ja starajusia havaryć abjektyŭna, a nie subjektyŭna. Tamu ja liču, što luby raskoł u NATA asłabić abodva baki».
-
«Palić naftapierapracoŭčyja zavody». Kit Kiełah paraiŭ, što treba rabić Ukrainie paśla papiaredžańniaŭ Trampa
-
U Francyi chakiery ŭzłamali chaładzilniki ŭ sotniach supiermarkietaŭ. Zamiest minusavoj tempieratury jany stali davać plusavuju
-
U Hiermanii zatrymali padazravanych u padpale stancyi Starlink u Polščy. Jany inšaziemcy
Kamientary