Heta biascennaja krynica infarmacyi pra relihijnaje i śvieckaje žyćcio vakolic Horadni ŭ XIX stahodździ.
7‑ha sakavika inicyjatyva MALDZIS nabyła na aŭkcyjonie ŭ Polščy rukapisny archiŭ pieršaj pałovy XIX stahodździa, jaki pachodzić z parafii niedaloka ad Horadni. Heta vielmi kaštoŭnaja krynica infarmacyi pra tahačasnaje kanfiesijnaje i śvieckaje žyćcio rehijona.
Havorka pra tak zvany kapijaryj — rukapisny zbornik słužbovych dakumientaŭ i pierapiski z kaścioła ŭ Vialikich Ejsmantach, što ŭ Bierastavickim rajonie Haradzienskaj vobłaści.
U zborniku zachavalisia rasparadžeńni śvieckich i kaściolnych uładaŭ, źviestki pra žyćcio parafii i miascovaj supolnaści, traplajucca proźviščy miascovych žycharoŭ, sustrakajucca zhadki pra mietryčnyja akty, asobnyja siamiejnyja historyi, natatki pra vakcynacyju ad vospy, budaŭnictva kaścioła i šmat inšaha.
Bolšaść zapisaŭ naležyć nastajacielu parafii i haradzienskamu dekanu Michału Siezianieŭskamu (1784—1850). Jany vialisia ciaham 14 hadoŭ i datujucca pieršaj pałovaj XIX stahodździa.
«Amal štodzień niedzie ŭ śviecie pradajucca kalekcyjnyja rečy, źviazanyja ź Biełaruśsiu. Ale sustreć u prodažy kaštoŭnaść, vyviezienuju ź biełaruskaj terytoryi, źviazanuju ź joj źmiestam i praz pachodžańnie, kali da taho ž miesca ŭźniknieńnia dakładna viadomaje, — heta sapraŭdnaja redkaść», — kaža kiraŭnik inicyjatyvy Maldzis Pavieł Macukievič.
Rukapisnaja kniha była nabytaja na srodki miecenata inicyjatyvy MALDZIS Illi Pakroŭskaha.
U budučyni kniha ŭ jakaści hramadskaha padarunka vierniecca na svajo miesca — u parafiju imia Najśviaciejšaj Panny Maryi i śviatoha Jana Niepamuka ŭ Vialikich Ejsmantach.
«U hetaj historyi, jak i ŭ inšych prajektach našaj inicyjatyvy, važna, što znajšoŭsia biełarus, jaki prafinansavaŭ vykup rukapisu, kab hety archiŭ nie trapiŭ u pryvatnyja kalekcyi, a viarnuŭsia ŭ Biełaruś u jakaści hramadskaha padarunka», — skazaŭ apiakun inicyjatyvy MALDZIS Ryhor Astapienia.
U najbližejšych płanach MALDZIS — aličbavańnie rukapisnaha zbornika, kab zrabić jaho dasiažnym dla ŭsich zacikaŭlenych historykaŭ i krajaznaŭcaŭ.
Padtrymać MALDZIS možna tut.
-
Kaliści tut žyli miljony. Łaziernyja technałohii raskryvajuć maštab zahinułaj cyvilizacyi Amazonii
-
Kreŭski zamak raskryŭ hałoŭnuju tajamnicu: znajšli ŭvachod u ciamnicu, dzie zadušyli Kiejstuta
-
Ledzianyja mumii i pieravał vikinhaŭ. Jak z-pad lodu źjaŭlajucca tajamnicy, jakija źmianiajuć ujaŭleńni pra śviet
Ciapier čytajuć
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary
Jakoje niaviedańnie rečaisnaści. 90% papoŭ, što pravasłaŭnych, što katalickich - nie da spravy niejkija staryja papiery. Usio hnije. Daviedajciesia, jak rakaŭski ksiondz zahadaŭ vykinuć metryčnyja knihi. Dobra, što znajšlisia parafijanie, što aličbavali.
U NHA u Harodnie treba pieradavać.
Da hetaha taksamaka pracy Drazdoviča (kali nie pamylajusia) byli nabytyja na srodki hrupy miecenataŭ. Da hetaha taksama.
Pavažanyja siabry inicyjatyvy Małdzis, patłumačcie, kali łaska, kudy sychodziać srodki zvyčajnych biełarusaŭ, takich, jak ja? Tych, chto danacić štomiesiac niejkuju sumu i zastajecca noŭnejmam.