Fond «Kamunikat» vydaŭ u Biełastoku knihu prozy Uładzisłava Achromienki «Niaśvižskaja kryza», kudy ŭvajšli tvory roznych žanraŭ i kirunkaŭ, piša bellit.info.
Knihu ŭžo možna zamović praz sajt vydaviectva.
U novym vydańni čytač znojdzie viadomuju «Teoryju zmovy» — vostrasiužetny kinaraman-fars, u jakim aŭtar stavić u paradaksalnaj i žorstkaj formie tyja biełaruskija pytańni, jakija mnohija bajacca zadać sabie navat u dumkach. Jość taksama «Muzy i śvińni» — kniha haradskich mifaŭ, lehiendaŭ i apokryfaŭ pra hierojaŭ, jakija nas źmianili.
Siarod hierojaŭ Dzied Tałaš, Dźmitryj Šastakovič, Kim Ir Sen, Uładzimir Mulavin, Žak-Iŭ Kusto, ale jość taksama ananimnyja aktory, režysiory, muzyki, mastaki, mianty, cenzary i kamitetčyki.
U zbornik prozy taksama ŭvajšli nidzie dahetul nie publikavanyja teksty dvuch niezavieršanych ramanaŭ Uładzisłava Achromienki: «Niaśvižskaja kryza» i «Vykradalnik hukaŭ». «Viedajučy tvorčyja moduli Uładzisłava, — piša jaho siabra i suaŭtar niekalkich knih Maksim Klimkovič, — mahu śćviardžać, što pieršy tekst — heta niedzie 70% ad mierkavanaha kančatkovaha abjomu, a druhi — ŭsiaho kala 10%».
***
Uładzisłaŭ Achromienka naradziŭsia 29 studzienia 1965 hoda ŭ Homieli ŭ siamji vykładčycy muzyčnaj vučelni. Ź dziacinstva zajmaŭsia muzykaj. Zakončyŭ Homielskuju muzyčnuju vučelniu imia Sakałoŭskaha i Biełaruskuju dziaržaŭnuju kansiervatoryju, kłas fartepijana.
Ale nieŭzabavie vybraŭ inšy prafiesijny zaniatak — litaraturu. Pracavaŭ u vostrasiužetnych žanrach — detektyŭ, tryler, alternatyŭnaja historyja, časta ŭ saaŭtarstvie z Maksimam Klimkovičam. Pad psieŭdanimami vydaŭ kala dźviuch socień kamiercyjnych ramanaŭ na rasijskaj movie, niekatoryja ź ich ekranizavanyja. Razam z Maksimam Klimkovičam vykanaŭ dramaturhičnuju insceniroŭku apovieści Maksima Hareckaha «Dźvie dušy» dla kupałaŭskaha teatra.
Byŭ adnym ź pieršych dobraachvotnikaŭ, vałancioraŭ i karespandentaŭ na froncie padčas vajny na ŭschodzie Ukrainy. Za svaju dziejnaść i ŭdzieł u padziejach 2014 hodu byŭ uznaharodžany miedalom «Za hodnaść i patryjatyzm». Žyŭ u Minsku, apošnija hady — u Čarnihavie.
U noč na aŭtorak 30 kastryčnika 2018 hoda ŭ Biełastoku va Uładzisłava Achromienki zdaryŭsia infarkt, paśla jakoha jon upaŭ u komu. Pamior 9 listapada 2018 hodu. Pachavany ŭ Minsku na Zachodnich mohiłkach.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary