U haspadarcy pad Hrodnam šosty hod vyroščvajuć jahady hodžy. U našym klimacie heta niaprosta
U filijale «Parečanka» AAT «Hrodzienski miasakambinat» užo niekalki hadoŭ pravodziać ekśpierymient pa vyroščvańni jahad hodžy — ekzatyčnaj raśliny, viadomaj svaimi karysnymi ŭłaścivaściami va ŭsim śviecie, piša «Hrodzienskaja praŭda».
Prajekt startavaŭ u 2019 hodzie, kali ŭ filijale byli pasadžanyja pieršyja kusty. Ciapier na 40 sotkach raśliny pakrytyja jarka-aranžavymi pładami, jakija pryciahvajuć uvahu svaim koleram i ekzatyčnym vyhladam.
Adnak biełaruski klimat stvaraje niemałyja ciažkaści. Jak raskazaŭ načalnik sielskahaspadarčaha ŭčastka №1 Valeryj Matys, nadvorje robić svaje karekciroŭki ŭ praces vyroščvańnia.
Druhi hod zapar nadvorje nie spryjaje poŭnamu farmavańniu ŭradžaju: kali da žniŭnia jahady dobra nalivajucca sokam pad soncam, to z pačatkam daždžoŭ i pachaładańnia ŭ vieraśni płady pačynajuć vianuć. Heta ŭpłyvaje na kolkaść i jakaść kančatkovaha ŭradžaju.
Niahledziačy na prablemy, ahraryi nie źbirajucca admaŭlacca ad vyroščvańnia hodžy. Pa słovach Valeryja Matysa, ekśpierymienty ŭ sielskaj haspadarcy zaŭsiody ryzykoŭnyja, ale jany dajuć mahčymaść udaskanalić technałohii i pasprabavać niešta novaje. Płanujucca roznyja miery dla zachavańnia ŭradžaju: palapšeńnie ŭhnajeńniaŭ, vykarystańnie sučasnych srodkaŭ abarony raślin i ekśpierymienty z technałohijami.
Z bataničnaha punktu hledžańnia hodžy — heta nievialikaje dreŭca abo kust vyšynioj ad 1 da 4 mietraŭ. Płady śpiejuć sa žniŭnia pa kastryčnik. Jahady ŭ syrym vyhladzie niebiaśpiečnyja dla sistemy stravavańnia, tamu ich lepš nie jeści niepasredna z kusta. Padčas zboru vykarystoŭvajuć palčatki, kab paźbiehnuć razdražnieńnia skury. Zatoje paśla suški jahady stanoviacca biaśpiečnymi i vielmi karysnymi.
Sušanyja jahady hodžy majuć sałodka-kisły smak i pryjemny vodar. Tysiačahodździ jany vykarystoŭvalisia ŭ tradycyjnaj kitajskaj miedycynie, dzie im prypisvali zdolnaść zamarudžvać stareńnie, padtrymlivać zdaroŭje vačej, piečani, nyrak i lohkich. Sučasnyja daśledavańni paćviardžajuć, što hodžy bahatyja antyaksidantami, vitaminami i minierałami.
Jahady možna ŭžyvać samastojna abo dadavać u stravy: kašy, johurty, smuzi, a taksama ŭ sumiesi «supierpraduktaŭ». U «Parečancy» spadziajucca, što z časam biełaruskija hodžy buduć vyroščvacca ŭ pramysłovych maštabach i źjaviacca na palicach miascovych kramaŭ, stanoŭča ŭpłyvajučy na raznastajnaść pradukcyi i zdaroŭje spažyŭcoŭ.
Chaładziec, palandvica, sała… Biełaruskija «supierfudy», ź jakimi lahčej i zdaraviej pieražyć chałodnuju zimu
U centry Skidziela łoś prabraŭsia ŭ dvor i źjeŭ usie bujaki
«Hiektar prynosić kala $20 000». Bujakovy fiermier raskazaŭ, jak možna zarabić na jahadach u Biełarusi
U Biełarusi pačali pradavać vinahrad «sa smakam cukrovaj vaty». Što za jon?
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary