Afnahiel raskazaŭ pra vialiki zdabytak 2020-ha, zaŭvažny pa supracoŭnikach Unutranych vojskaŭ, jakija achoŭvali kałonii
46‑hadovy Jaŭhien Afnahiel udzielničaje ŭ ruchu za vyzvaleńnie Biełarusi z 1996 hoda. U 2011—2015 jamu ŭžo daviałosia prajści praz vymušanuju emihracyju. Piać hadoŭ źniavoleńnia paśla 2020‑ha dali jamu mahčymaść pabačyć krainu i pracesy ź joj ź inšaj pierśpiektyvy.
Jaŭhien Afnahiel, jaki vyjšaŭ na svabodu 11 vieraśnia 2025 hoda razam ź vialikaj hrupaj palitźniavolenych, daŭ vialikaje intervju «Našaj Nivie». U im raskazaŭ pra pieražytaje i daŭ svaje acenki apošnim palityčnym padziejam i piersanažam.
Afnahiel pierakanany, što vyjšaŭ, «dziakujučy jakraz błakiroŭcy režymu i sankcyjam»: biez hetaha Łukašenka fih by kaho adpuskaŭ.
Afnahiel vysoka acaniŭ učynak Mikałaja Statkieviča, jaki vysadziŭ dźviery aŭtobusa i vyskačyŭ u niejtralnaj zonie, kab nie być departavanym. «Jon sapraŭdny lidar. Jon pałamaŭ hulniu Łukašenku, viarnuŭ subjektnaść … biełarusam. My ž byli tavaram — nas abmianiali na źniaćcio sankcyj ZŠA z «Biełavija». U tavaru subjektnaści niama. Ale jon zrabiŭ tak, što ciapier usie baki, jakija ŭdzielničajuć u hetym handli, pavinny ŭličvać jak minimum mahčymaść paŭtoru padobnaj situacyi».
Były palitviazień acaniŭ taksama ciapierašnija pracesy z histaryčnaj pierśpiektyvy.
«Vializny zdabytak 2020 hoda — heta karennaje źmianieńnie staŭleńnia da Rasii ŭ biełaruskim hramadstvie, — kaža Jaŭhien Afnahiel.
— Siońnia, asabliva paśla pačatku vajny va Ukrainie, iluzij na jaje stanoŭčy ŭdzieł u demakratyzacyi Biełarusi ni ŭ kaho nie zastałosia.
Ja heta bačyŭ navat u kałonii, moh aceńvać pa dźviuch sacyjalnych hrupach — roznyja viaźni i supracoŭniki ŭnutranych vojskaŭ, jakija nas achoŭvali. Pieršyja mahli kazać bolš ščyra, druhija mahli svajo staŭleńnie peŭnym čynam pakazvać (nie raskazvaju padrabiazna, kab taksama nikomu nie naškodzić). I ŭ ahulnaj masie było bačna, što staŭleńnie da Rasii ŭ biełarusaŭ źmianiłasia ŭ horšy bok.
My nie pačynajem z nula. Šmat ludziej u turmach, ale toj miljon biełarusaŭ, jaki vyjšaŭ na pratesty ŭ 2020-m, nikudy nie dzieŭsia. Jany zastalisia — chtości ŭ Biełarusi, chtości za miažoj. Heta toj zdabytak, jaki my majem, jakoha nie było raniej. Navat u kałonii i turmie ja pierasiakaŭsia ź viaźniami, jakija kazali pra toje, što jany dałučylisia da supracivu dziakujučy prykładu tych, chto zmahaŭsia za svabodu raniej. Mianie ŭ svaju čarhu zaŭsiody natchniali i hetyja ludzi, i ŭsie biełarusy, jakija zrabili 2020 hod, jakija dapamahali palitviaźniam i ich blizkim, padtrymlivali», — kaža Jaŭhien Afnahiel.
-
Ad zvyčajnych piensijanieraŭ da bahaciejaŭ: chto i jak hulaje ŭ minskich kazino
-
«Situacyja jak na akupavanych terytoryjach Ukrainy». Pavieł Barkoŭski — pra stan biełaruskaj kultury
-
Zabrali baćkoŭskija pravy ŭ ciažarnaj žančyny ź Minska, čyja starejšaja dačka dvojčy sprabavała skončyć žyćcio samahubstvam
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
Vot kuda priedskazujemo prišła nienavisť k Zienonu Poźniaku.