Cichanoŭski patłumačyŭ, čamu jon tak pavodziŭ siabie ŭ Ńju-Jorku
Siarhiej Cichanoŭski apublikavaŭ adkryty list, u jakim patłumačyŭ svaje pavodziny sa Śviatłanaj na sustrečy z dyjasparaj u Ńju-Jorku. Tam pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku. Pryvodzim hety list.
1. Ja vielmi pavažliva staŭlusia da svajoj žonki i da jaje starańniaŭ. I rablu ŭsio, kab jana pra heta viedała.
2. Maja hrubaść učora vyjaŭlałasia nie stolki ŭ dumkach, kolki ŭ intanacyi. Viedaju za saboj hety hrech. Hetaja ž pramaliniejnaja intanacyja była maim hałoŭnym palityčnym instrumientam u 2020 hodzie.
3. Toj fakt, što ja nie vysypajusia, chvalujusia, nie apraŭdvaje maich manier va ŭčorašniaj situacyi na płoščy ŭ Ńju-Jorku.
4. Ja złavaŭsia na toje, što mianie sprabujuć vykarystać. Vykarystać jak talisman. Nie kažuć ni pra mety, ni pra raskład sustreč i intervju. Nie cikaviacca maim mierkavańniem.
5. Ja sapraŭdy chacieŭ paŭtary hadziny pabyć razam ź biełarusami i Śviatłanaj. Pra intervju na CNN mianie pastavili pierad faktam za 20 chvilin da strymu. Jano było niepradbačanym, niaznačnym, a moža i škodnym u dadzienym palityčnym kantekście. Takoje intervju dakładna nie treba było pryznačać na toj ža čas, što i daŭno zapłanavanuju sustreču z dyjasparaj.
6. My zanadta časta razychodzimsia ŭ mierkavańniach z akružeńniem Śviatłany. Heta prablema.
Ja ŭśviedamlaju, što pavinien zrabić heta ź minimalnymi vydatkami dla našaj ahulnaj spravy.
Ščyra vaš, Siarhiej Cichanoŭski.
Ciapier čytajuć
U Francyi ad śpioki zahinuŭ dalnabojščyk z Dokšycaŭ2
Kamientary