Sumnaja situacyja skłałasia z-za praźmiernaha vyłavu ryby. Pavodle danych Tavarystva zachavańnia marskoha asiarodździa (MCS), z 2009 hoda rybałovami z roznych krain parušajucca rekamiendacyi pa zdabyčy skumbryi, paviedamlaje vydańnie The Guardian.
Kolkaść dapuščalnaha vyłavu ŭ roznych krainach pieravyšajecca na pakazčyki ad 5 da 80%. Za apošnija čatyry hady ŭ siarednim praźmiernaja zdabyča dasiahnuła 39% zvyš normy.
Aściarohi ciapier vyklikaje navat vyłaŭ paŭnočna-atłantyčnaj skumbryi, jakaja ličyłasia samaj «ekałahičnaj» — pakazčyki pa jaje zdabyčy pieravyšanyja na 23%. Usio heta pryviało da źnižeńnia papulacyi, a zdabyču skumbryi niekatoryja zoaabaroncy nazyvajuć nie inakš jak «čystkaj».
Tavarystva zachavańnia marskoha asiarodździa kožny hod vypuskaje «Kiraŭnictva pa vybary dobraj ryby» (Good Fish Guide). Hetym razam jahonyja aŭtary vykazali surjoznyja aściarohi z-za skaračeńnia kolkaści skumbryi.
«My hłyboka zaniepakojenyja tym, što niekali stabilnaja krynica morapraduktaŭ pieražyvaje taki zaniapad. Skumbryja znachodzicca ŭ niebiaśpiecy z-za pramysłovych pradpryjemstvaŭ mnohich krain, i chutka jana budzie nie ŭ stanie zabiaśpiečvać samu siabie. My nazirajem niaŭchilnaje skaračeńnie kolkaści, i jana nabližajecca da krytyčnaha punktu».
«Kiraŭnictva pa vybary dobraj ryby» vykarystoŭvaje piacibalnuju sistemu, pa jakoj składaje rekamiendacyi pa łoŭli i ŭžyvańni ryby. Kali praduktu staviać bały ad 1 da 3, to heta prymalny vybar, a 4-5 zaklikajuć da aściarožnaści.
Ciapier paŭnočnaatłantyčnaja skumbryja z katehoryi 3 trapiła ŭ katehoryju 4, a z Paŭnočna-Uschodniaj Atłantyki — u katehoryju 3 z katehoryi 2.
Tavarystva zachavańnia marskoha asiarodździa amataram ryby rekamienduje pierajści sa skumbryi na sieladca i sardziny — hetym vidam nibyta pakul jašče ničoha nie pahražaje.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary
Inšaja sprava mintaj, toj duža čarvivy, čamu i spažyvajuc` toļki spinku, bo vantroby spres čarvivyja. Darečy, idzie na krabavyja palački, jak i sajda, traska dy inšyja traskovyja vidy ryby, praz ich bielaje miasa.
Atliantyčny Paūnočna-uschodni sieliadziec taksama, nažaļ...
Alie samy niebiaspiečny - marski akuņ. Kamu davodzilasia jaho pramyšliac`, toj viedaje, pra što ja kažu...