Tramp zapatrabavaŭ ad Erdahana spynić zakupki rasijskaj nafty

«U nas skłalisia vydatnyja adnosiny ŭ śfiery vajny i handlu. Ja b chacieŭ, kab jon spyniŭ kuplać naftu ŭ Rasii», — skazaŭ Tramp.

Tramp acharaktaryzavaŭ sustreču z Erdahanam u čaćvier jak «vyrašalnuju», zajaviŭšy, što jon moža razhledzieć mahčymaść viartańnia Turcyi ŭ sumiesnuju prahramu pa vytvorčaści i zakupcy źniščalnikaŭ F-35 kampanii Lockheed Martin.

«Ja zmahu lohka heta zrabić, kali zachaču. My možam, my možam heta zrabić», — skazaŭ Tramp, kali jaho spytali, ci adkryŭ jon šlach dla pahadnieńnia pa F-35.

Hetyja kamientary padkreślivajuć «ździełačny» charaktar sustrečy ŭ čaćvier i źjaŭlajucca apošnim prykładam taho, jak Tramp ciśnie na partnioraŭ ZŠA, kab jany skaracili zakupki rasijskich enerhanośbitaŭ, adznačaje Bloomberg.

U Erdahana byli svaje matyvy dla kampramisu ŭ Biełym domie, dzie jon imknuŭsia zaklučyć pahadnieńni ŭ halinie avijacyi, abarony i enierhietyki, kab naładzić napružanyja adnosiny Turcyi z Vašynhtonam.

«Vy budziecie ŭražanyja tym, što adbyłosia z Erdahanam», — skazaŭ Tramp paśla sustreč z tureckimi aficyjnymi asobami, jakija doŭžylisia bolš za dźvie hadziny.

Tym časam adrazu paśla sustrečy tureckaja nacyjanalnaja avijakampanija Turkish Airlines abviaściła pra kuplu ŭ ZŠA 75 šyrokafiuzielažnych samalotaŭ Boeing 787 i pra zaviaršeńnie pieramoŭ pa 150 vuzkafiuzielažnych 737 MAX. Pastaŭki płanujucca na 2029—2034 hady. Pavodle avijakampanii, novyja kantrakty dapamohuć padtrymlivać hłabalnuju ekspansiju. Stratehija praduhledžvaje da 2035 hoda mieć fłot całkam z samalotaŭ novaha pakaleńnia i padtrymlivać siaredniehadavy rost kala 6%.

Zhodna sa stratehijaj na 2023—2033 hady, Turkish Airlines płanuje pavialičyć fłot da bolš čym 800 samalotaŭ da 2033 hoda, choć na kaniec červienia hetaha hoda jon składaŭ tolki 485. U śniežni 2023 kampanija taksama zakazała 355 samalotaŭ Airbus.

Erdahan naviedaŭ Bieły dom upieršyniu z 2019 hoda. Niahledziačy na roznahałośsi — u tym liku pa siektary Haza i adnosinam Ankary z Maskvoj — Tramp u cełym chvaliŭ tureckaha lidara.

Praŭda, u peŭny momant jon pramoviŭ u prysutnaści žurnalistaŭ dziŭnuju frazu:

«Nichto tak dobra nie raźbirajecca ŭ manipulavanych vybarach, jak jon», — skazaŭ prezident ZŠA, pakazaŭšy na Erdahana.

Turecki prezident nie adrazu zrazumieŭ žart i nie adreahavaŭ — jamu daviałosia dačakacca pierakładu.

Hetyja słovy Trampa prahučali na fonie abvinavačvańniaŭ na adras Erdahana ŭ padtasoŭkach vybaraŭ u Turcyi. Tak, mer Stambuła Ekrem Imamohłu, adzin ź jaho patencyjnych supiernikaŭ, užo paŭhoda znachodzicca pad aryštam biez vystaŭleńnia abvinavačvańniaŭ.

• 3
• 0
• 0
• 1
• 0
• 0
• 0
• 0