Jeŭropa papiaredziła Rasiju, što budzie źbivać jaje samaloty nad svajoj terytoryjaj
Pavodle infarmacyi ahienctva Bloomberg, dypłamaty ź Vialikabrytanii, Hiermanii i Francyi padčas pieramoŭ u Maskvie papiaredzili rasijskija ŭłady, što krainy NATA hatovyja žorstka reahavać na parušeńni pavietranaj prastory aljansu, uklučajučy mahčymaść źbivać rasijskija samaloty.
Pryčynaj abvastreńnia staŭ niadaŭni incydent, kali rasijskija źniščalniki MiH-31 uvarvalisia ŭ pavietranuju prastoru Estonii. Jeŭrapiejskija dypłamaty ličać, što hety krok byŭ sankcyjanavany rasijskim kamandavańniem.
Pavodle słoŭ adnaho z rasijskich čynoŭnikaŭ, incydent staŭ «reakcyjaj na ataki Ukrainy pa Krymie», jakija, na dumku Maskvy, niemahčymyja biez padtrymki NATA. Tamu ŭ Kramli śćviardžajuć, što faktyčna ŭžo znachodziacca ŭ stanie kanfrantacyi ź Jeŭropaj.
Delehacyja NATA adznačyła, što ŭ chodzie sustrečy rasijskija pradstaŭniki rabili padrabiaznyja zapisy, što, na dumku dypłamataŭ, śviedčyć pra toje, što Maskva rychtuje dakładnaje paviedamleńnie dla svajho kiraŭnictva.
Urad Hiermanii paćvierdziŭ fakt pieramoŭ i padkreśliŭ, što patrabavańni spynić parušeńni byli vykazanyja adkryta. Fiederalny kancler Hiermanii Frydrych Mierc zajaviŭ, što dziejničaje ŭ ciesnaj kaardynacyi z Paryžam, Łondanam i Varšavaj i padtrymaje «ŭsie nieabchodnyja miery». Vialikabrytanija i Francyja publična kamientavać situacyju nie stali.
U toj ža čas pasoł Rasii ŭ Francyi Alaksiej Miaškoŭ zajaviŭ, što «kali NATA sabje rasijski samalot z-za parušeńnia pavietranaj prastory, heta budzie aznačać vajnu».
Z momantu stvareńnia NATA ŭ 1949 hodzie artykuł 4, jaki praduhledžvaje kansultacyi ŭ vypadku pahrozy adnoj z krain aljansu, vykarystoŭvaŭsia ŭsiaho dzieviać razoŭ. Prytym apošnija dva vypadki byli ŭ vieraśni 2025-ha: spačatku rasijskija drony trapili na terytoryju Polščy, a paśla rasijskija samaloty ŭvarvalisia ŭ pavietranuju prastoru Estonii.
Rasijskija ŭłady admaŭlajuć fakt parušeńniaŭ. Minabarony RF zajaŭlała, što drony, jakija zalacieli ŭ Polšču, nie mieli metaj ataki na abjekty ŭnutry krainy.
Prezident ZŠA Donald Tramp padtrymaŭ pazicyju jeŭrapiejskich sajuźnikaŭ i, u pryvatnaści, polskaha premjer-ministra Donalda Tuska, jakija nastojvajuć na tym, što ŭ vypadku novych parušeńniaŭ rasijskija samaloty treba źbivać.
Prezident Čechii: Rasijskija samaloty, jakija parušajuć pavietranuju prastoru krain NATA, treba źbivać
Dva rasijskija źniščalniki pravakacyjna pralacieli nad polskaj naftavaj płatformaj
Ministarka abarony Litvy zaklikała źbivać rasijskija źniščalniki
Rasijski samalot-vyviednik zaŭvažyli nad Bałtyjskim moram — Hiermanija padymała źniščalniki
Turcyja nakiravała samalot-radyjołakacyjny kompleks u Litvu na fonie parušeńniaŭ pavietranaj prastory z boku Rasii
Rasijskija samaloty lotali kala Alaski, ZŠA padymali źniščalniki
Ci pavinna NATA paśla dronavaj ataki na Polšču zadziejničać 5‑ty artykuł? Adnaznačna — nie. Ale reahavać musić rašuča
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1515
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata15
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary