Rasijski samalot-vyviednik zaŭvažyli nad Bałtyjskim moram — Hiermanija padymała źniščalniki
Siły NATO padniali na tryvohu dva źniščalniki Eurofighter paśla taho, jak nad Bałtyjskim moram byŭ zaŭvažany rasijski vajskovy samalot. Pavodle źviestak niamieckich VPS, jon ruchaŭsia ŭ mižnarodnaj pavietranaj prastory biez płana palotu i biez radyjosuviazi. Heta byŭ rasijski samalot-vyviednik Ił-20M, paviedamlaje Euronews.
Hety vintamatorny samalot pieršapačatkova vyrablaŭsia ŭ Savieckim Sajuzie. Dziakujučy doŭhamu terminu słužby Rasija praciahvaje vykarystoŭvać takija aparaty dla vyviedki i zboru radyjołakacyjnych i radyjosihnałaŭ.
Dva pierachopniki Bundeśviera ŭźlacieli z avijabazy Rastok-Łahie. Pavodle źviestak VPS Hiermanii, rasijski samalot byŭ raspaznany z dapamohaj tak zvanaj sistemy vizualnaj identyfikacyi.
Krainy NATO nieadnarazova fiksavali nieabvieščanyja paloty rasijskich samalotaŭ nad Bałtyjskim moram. Rasija taksama rehularna parušaje pavietranuju prastoru aljansu ŭ inšych rehijonach, ździajśniajučy niesankcyjanavanyja paloty.
U piatnicu try rasijskija źniščalniki ŭvarvalisia ŭ pavietranuju prastoru Estonii. Na minułym tydni rasijskija bieśpiłotniki biez dazvołu ŭvajšli ŭ pavietranuju prastoru nad Polščaj, a ŭ noč na 10 vieraśnia polskija VPS i inšyja partniory pa NATO ŭpieršyniu źbili niekalki rasijskich BPŁA.
26 žniŭnia hetaha hoda dva źniščalniki Eurofighter apaznali Ił-20M nad Bałtyjskim moram. Raniej taki aparat byŭ zaŭvažany padčas raźviedvalnaha palotu nad Bałtyjskim moram u sakaviku.
U bolšaści vypadkaŭ rasijskija raźviedvalnyja samaloty lotajuć z adklučanymi transpondarami, što aznačaje, što takaja infarmacyja, jak maršrut palotu, chutkaść, vyšynia i typ samalota, nie pieradajecca.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam7
Kamientary
U mienia vopros - i rańšie samoloty RF i nieopoznannyje, i bieśpiłotniki byli zamiečieny v vozdušnom prostranstvie raznych stran, Polši, i Rumynii,v Polšie dažie bieśpiłotnik ubił kombajniera. I była informacionnaja tišina. A čto siejčas słučiłoś? Nie možietie śbiť ticho biez šumichi - voobŝie mołčitie.