Kadebešnik pad vyhladam biełarusa z Hiermanii sprabavaŭ arandavać jachtu
Alaksandra Mamajeva, jakaja razam ź inšymi inicyjavała stvareńnie Narodnych ambasadaŭ Biełarusi, a taksama pradstaŭnictva ŭ Słavienii, raskazała «Viaśnie», što joj rehularna pišuć kadebešniki, sprabujuć zavierbavać i pahražajuć svajakam u Biełarusi i znajomym. U emihracyi jana zajmajecca jachtavym biznesam.
«Adnojčy niejki mužčyna pad imieniem Kirył napisaŭ mnie ŭ fejsbuku pad vyhladam klijenta, ci mahu ja jamu zdać u arendu jachtu. Jon pradstaviŭsia biełarusam, jaki ciapier žyvie ŭ Niamieččynie i spasłaŭsia na majho kalehu z dyjaspary, niby ź im znajomy. My ź im doŭha listavalisia nakont reziervacyi jachty. Jon sapraŭdy zamoviŭ pajezdku na jachcie na adzin dzień, ja navat zrabiła jamu damovu, ale dla mianie jon byŭ «prablemnym klijentam», bo jon uvieś čas źmianiaŭ umovy arendy, i ŭ vyniku jon usio ž taki admoviŭsia ad tura», — raskazała Alaksandra.
Akramia tura na jachcie, Kirył raspytvaŭ, jak žyvie biełaruskaja dyjaspara ŭ Niamieččynie i Słavienii, ci pravodziacca niejkija mierapryjemstvy, ci moža dałučycca da dyjasparalnych čataŭ.
«Pakolki jon pazicyjanavaŭ siabie jak biełarus ź Miunchiena i źbiraŭsia ŭ Słavieniju, heta vyhladała naturalna. Paśla kansultacyi z kalehami, ja dasłała jamu spasyłku na publičnyja čaty biełarusaŭ na «dze.chat». Kalehi ŭ Narodnych ambasadach paličyli Kiryła sumnieŭnym, bo jahony akaŭnt u fejsbuku byŭ stvorany paśla 2020 hoda, a ŭ dyjaspary Miunchiena jaho nie viedali».
Praź niekatory čas Kirył pačaŭ telefanavać i zaklikać supracoŭničać, pahražajučy aktyvistam dyjaspary.
«Jon pieraličvaŭ niekalki proźviščaŭ tych aktyvistaŭ, chto byŭ publičnym. Jak tolki ja heta pačuła i zrazumieła, z kim ja razmaŭlaju, to spyniła razmovu.
Sproby viarboŭki praciahvalisia praz paviedamleńni, hučali pahrozy rodnym, jakija zastalisia ŭ Biełarusi, vykarystoŭvałasia standartnaja farmuloŭka: «My hatovyja vieryfikavacca praz vašych svajakoŭ u Biełarusi».
Alaksandra raspaviała pra hetuju sprobu viarboŭki svaim kaleham u Kaardynacyjnaj radzie, Narodnym ambasadam, aktyvistam u demakratyčnym ruchu, jakija zajmajucca pytańniami biaśpieki.
«Ja liču, što publičnaść — harantyja majoj biaśpieki ŭ tym liku».
Jak raspaviadaje surazmoŭca, navat listavańnie z supracoŭnikam KDB pavodle zakonaŭ krainaŭ Jeŭrasajuza moža traktavacca jak supraca z vyviedkaj inšaj krainy.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary