Biełaruski stendapier Michaś Iljin raspavioŭ u sacsietkach, što pieramoh u polskim televizijnym šou Masz Minutę («Maješ chvilinku»). Jon nazyvaje heta anałaham «Ch-faktar» dla komikaŭ.
U šou nieabchodna jak ahučvać svaje žarty, tak i impravizavać, adkazvajučy na pytańni žury. Akramia biełarusa było jašče 10 pretendentaŭ na pieramohu.
Michaś Iljin sprabuje svaje siły ŭ polskamoŭnym stendapie ŭžo hod. Ale, źjaviŭšysia pierad žury, adrazu vybačyŭsia za mahčymyja pamyłki. Udakładniŭ, što sam ź Biełarusi — kab hledačy nie padumali, što z Padlašša.
— Čatyry hady ja žyvu ŭ Polščy, i, viedajecie, za hety čas ja zrazumieŭ, što Polšča — heta idealnaja kraina dla emihracyi biełarusaŭ. Tamu što ŭ vas tut mova, jakaja vielmi padobnaja da biełaruskaj movy, jakuju lohka vyvučyć. Adzinaja prablema, što akramia ŭkraincaŭ tut jašče i palaki jość, viedajecie. Jašče vašu movu mušu vučyć.
Michaś pažartavaŭ nakont biełaruskaj prapahandy, jakaja pužała: «Biełarusy, nie jedźcie ŭ hetu Polšču. Tam vas buduć ličyć za ludziej druhoha hatunku». Ale ž dla biełarusa heta hučyć pryvabna — bo choć niedzie nas buduć ličyć za ludziej.
Padniaŭ jon i temu dyskryminacyi:
— Viedajecie, kali ty biełarus u Polščy, to časam možaš pačuć na svoj adras: «Viartajsia ŭ svaju Ukrainu». Zaŭsiody mianie heta złavała, bo ja biełarus, Ukraina — heta inšaja kraina. Ja suprać takoj ksienafobii. Ja za narmalnuju, pravilnuju ksienafobiju. Chaču, kab palaki mnie kazali: «Viartajsia ŭ svaju Biełaruś!». Ja biełarus, heta varta pavahi. Kali ja niekalki razoŭ pačuju «Viartajsia ŭ svaju Biełaruś!», ja tak i zrablu. Źbiaru svaje rečy i pajedu na biełaruskuju ziamlu. U Biełastok.
U žury ŭźnikli prablemy z tym, jak pravilna čytać imia Michasia — bo jak šmat chto ź biełarusaŭ jon maje dziŭnuju tranślitaracyju ŭ dakumientach. Litara K u Mikhail błytaje palakaŭ, jakija nie mohuć zrazumieć, čamu jana tudy trapiła. Michaś pažartavaŭ, što heta praz toje, što režym Łukašenki robić što choča.
U vyniku Michaś atrymaŭ hałoŭny pryz — udzieł u stendap-fiestyvali.
Nastaśsia Kaściuhova sustrakajecca z komikam Maksimam Kanavałam. Jana raskazała, jak im žyviecca razam
Biełaruski stendapier vystupiŭ u akupavanym Maryupali. Kaža, u hetym niama palityki: Ja tolki rablu svaju pracu — jak doktar
Biełaruski komik źniaŭsia ŭ sieryjale z zorkaj «Zvyšnaturalnaha». U kadry i Minsk — jak jaho bačać amierykanskija kinošniki
Biełaruskija komiki zapuścili jutub-šou spatkańniaŭ uślapuju
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary
Čym vašy rasiejskamoŭnyja horšyja za polskija?
Moža žachary z niegdyś polskiego Grodna, jaki zaraz u Biełastoku, heta vam lepš patłumačać.