Biełaruski stendapier vystupiŭ u akupavanym Maryupali. Kaža, u hetym niama palityki: Ja tolki rablu svaju pracu — jak doktar
U pačatku červienia komik Ivan Šumiejka zładziŭ kancerty na akupavanaj terytoryi Ukrainy — u Maryupali, Daniecku i Makiejeŭcy. Ciapier jon patłumačyŭ, jak stavicca da svajho nieadnaznačnaha tura.
Ivan Šumiejka — minski stendapier i psichaterapieŭt pa asnoŭnaj pracy. Niadaŭna ŭ siecivie źjavilisia afišy jaho kancertaŭ va ŭkrainskich haradach, akupavanych Rasijaj. Pavodle ich, 6 červienia Ivan vystupiŭ u Maryupali, na nastupny dzień daŭ kancert u Daniecku i padsumavaŭ svoj mini-tur vystupam 8 červienia ŭ Makiejeŭcy.
U sacsietcy Ch (tvitar) źjavilisia skrynšoty pierapiski ź Ivanam, dzie stendapier tłumačyć svaju pazicyju nakont sprečnych kancertaŭ.
Na vykładzienych skrynšotach bačna, što Ivanu napisali ŭ pryvatnyja paviedamleńni z pytańniem nakont tych kancertaŭ. Voś što adkazaŭ chłopiec:
«Dla mianie tut niama palityki. Ja tolki rablu svaju pracu — vystupaju z kamiedyjaj bieź niejkaj palityčnaj pazicyi. Heta byli kancerty dla mirnaha nasielnictva, jakim taksama chočacca žyć i nie adčuvać siabie abmiežavanymi.
Kožny bačyć karcinu pa-svojmu, jak jamu zaŭhodna. Ja tolki rablu svaju pracu — jak doktar, laču ludziej, jak komik — śmiašu. To-bok dla mianie heta było b toje ž samaje, kali b ja jak doktar dapamahaŭ i ruskim, i ŭkraincam niedzie ŭ tyle ŭ balnicy, i mianie b za heta presavali».
Asudžeńnie budzie zaŭsiody, ličyć Šumiejka:
«Usim nie budzieš miły. Ale ja i nie chaču być miłym usim, chto razumieje i chto mianie viedaje — tyja ŭ temie, a chto nie, tyja buduć dadumvać tyja prajekcyi, jakija im vyhadnyja».
«Naša Niva» — bastyjon biełaruščyny
PADTRYMAĆCiapier čytajuć
«Kibierpartyzany» zajavili, što zdabyli bazu danych danosčykaŭ KDB28
Kamientary