Vitala Pančanku abvinavačvajuć u pieravyšeńni ŭłady abo słužbovych paŭnamoctvaŭ (častka 3 art. 426 KK), piša «Fłahštok».
Pa viersii śledstva, były kiraŭnik Rečyckaha rajvykankama Pančanka z 2017 pa 2022 hady davaŭ niezakonnyja ŭkazańni padnačalenym ab uniasieńni zahadzia iłžyvych źviestak u dakumienty. Takim čynam byŭ skryty padziož kala 1 500 hałoŭ žyvioł. U krasaviku 2025 hoda spravu ŭ dačynieńni da Pančanki raspačała Hienprakuratura.
U kancy vieraśnia Pančanku ŭziali pad vartu, ciapier jon znachodzicca ŭ SIZA-3 Homiela. Nakolki viadoma «Fłahštoku» eks-čynoŭnika sprabavaŭ aformić fiktyŭnuju invalidnaść dla źmiakčeńnia budučaha prysudu.
Dla hetaha jon padklučyŭ svaje suviazi: były hałoŭny ŭrač Rečyckaj CRB, a ciapier — lekar palikliniki miedycynskich ahladaŭ Alaksandr Puziankoŭ asabista vadziŭ Pančanku pa kabinietach i dapamahaŭ padrychtoŭvać dakumienty dla afarmleńnia lipavaj invalidnaści. Vyśvietliłasia pikantnaja padrabiaznaść: Pančanka i Puzienkoŭ — kumy.
Akramia taho, Pančanka, vykarystoŭvajučy svaje suviazi ŭ pravaachoŭnaj sistemie, pasprabavaŭ akazvać cisk na śviedak pa spravie. Akazałasia, što žonka Alaksandra Puziankova znachodzicca ŭ svajactvie z byłym prakuroram Homielskaj vobłaści Viktaram Marozavym.
U 2022 hodzie Pančanka ŭžo byŭ u SIZA, ale tady jamu ŭdałosia paźbiehnuć pakarańnia — jon navat apynuŭsia na pasadzie ideołaha «Biełarusnafty».
U 2020 hodzie Pančanka na niekalki chvilin vyjšaŭ da pratestoŭcaŭ i źbieh.
-
Pravaabaroncy pryznali palitźniavolenymi jašče 14 čałaviek
-
U Lachavičach pachvalilisia kopijaj histaryčnaha zamka, jakaja musić pryciahnuć turystaŭ — čatyry budki bolš nahadvajuć prybiralni
-
Inicyjatyvu Siarhieja Bulby «Robim razam» vysielili z varšaŭskaha pamiaškańnia za doŭh u amal 23 tysiačy dalaraŭ
Kamientary
[Zredahavana]