Pra heta ŭ novym vypusku TOKu raskazaŭ Ihar Varaksa, jaki ŭ 2019—2021 hadach zajmaŭ pasadu dyrektara hetaj navučalnaj ustanovy.
Jak śćviardžaje Varaksa, u Liceja BDU zdaŭna byŭ kuratar z KDB. Ab isnavańni takoha čałavieka jaho papiaredziŭ papiaredni dyrektar, kali pieradavaŭ spravy:
«Mnie dyrektar, kali sychodziŭ, skazaŭ: «Voś numar telefona. Budzie tabie telefanavać, heta naš kuratar z KDB». «I što jamu treba?» — kažu. «A ničoha. Mnie zvyčajna telefanuje ŭ vieraśni». Ja kažu: «Nu dobra».
Pa słovach Varaksy, jamu sapraŭdy patelefanavali ŭ vieraśni. I jaho ździviła, ź jakoj nahody:
«Ja dumaju: «O, kuratar». Nu, okiej, i što? «Dzień dobry. Kažuć, voś u vas nabor u viačerni licej. Treba voś, moža, tam…».
«Voś i ŭsio, što było treba da 2020 hoda kurataru ad KDB ad Liceja BDU. Moža, u viačerni licej kahości ŭziać, — kaža były dyrektar ustanovy.
Jak tłumačyć Varaksa, u adroźnieńnie ad dzionnaj formy navučańnia, kolkaść miescaŭ na jakoj abmiežavanaja biudžetam, viačerni licej, — kamiercyjny prajekt. Tam rychtavali dzieviacikłaśnikaŭ da pastupleńnia ŭ Licej BDU. Tamu miescaŭ šmat, nijakich abmiežavańniaŭ niama».
«Ty možaš i tak pajści i napisać zajavu, heta nie prablema. A kamuści treba mienavita praz kuratara. Kažaš: «Voś tam u nas taki kabiniet. Treba pryjści i damovu zaklučyć». — «Dziakuj, što skazali, usio pieradam». Voś i ŭsie adnosiny»,
— zhadvaje Varaksa i dadaje, što paźniej, prykładna ŭ listapadzie-śniežni 2022‑ha hoda «źjavilisia inšyja supracoŭniki, jakija ŭžo zajmalisia kankretnaj rabotaj na miescy».
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary
Chotia rańšie priedpočitali pierieučivať s vysšim obrazovanijem i stažiem raboty, no tak kak s takimi ostryj dieficit, to prichoditsia nabirať iz toho žie licieja BHU.
Uvohule, chto harantuje, što niekatoryja z ustanovaŭ viali KDB, a nie rasijanie?
Ad 2018-2021 astatnija, razam z kitajcami, naviedvali vyšejšyja ŭstanovy i pytalisia pra talenavitych studentaŭ u kiraŭnikoŭ adździelnych napramkaŭ, dakładna ŭ tych što źviazanyja razam z elektronikaj i infarmatykaj.
Rasiejskija dziady ŭprost naviedvalisia, kitajcy raźviešvali abjavy pra pracu ŭ Huawei tak, jak nie rabiŭ nichto.