Minskaje mietro karektuje prajekt čaćviortaj linii — nie budzie strohaj pryviazki da Druhoha transpartnaha kolca
Pres-sakratar Minskaha mietrapalitena Andrej Drob raskazaŭ, jakimi šlachami ciapier idzie pašyreńnie jaho sietki ŭ Minsku. Pa jaho słovach, u haradskich uładaŭ i budaŭnikoŭ uvieś čas źjaŭlajucca novyja płany, udakładniajucca maršruty, kolkaść i raźmiaščeńnie stancyj, tamu raniejšyja prajekty davodzicca karektavać.
Pa infarmacyi Andreja Droba, bolš jak tracina žycharoŭ Minska štodzionna karystajecca padziemkaj, i z adkryćciom novych stancyj pasažyrapatok stabilna raście. Naprykład, paśla zapusku stancyi «Aeradromnaja» u mikrarajonie «Minsk-Mir» kolkaść pasažyraŭ pavialičyłasia na 37%.
U červieni 2025 hoda tuneleprachodčy miechanizavany kompleks «Alesia» pačaŭ pracavać ad płoščy Banhałor. Umovy budaŭnictva mietro ŭ Minsku vielmi składanyja — ščylnaja zabudova, vialikaja kolkaść kamunikacyj i niaŭstojlivyja hrunty. Tamu horad zakupaje jašče adzin sučasny tuneleprachodčy kompleks, a ŭ budučyni moža spatrebicca i treci, i čaćviorty — asabliva z ulikam prajekta kolcavaj linii mietro.
Prajekt čaćviortaj linii jašče dapracoŭvajecca. Paŭnočny i zachodni ŭčastki ŭžo praličanyja, a ŭschodni i paŭdniovy — nie. Ale ŭžo viadoma, što novaja linija, chutčej za ŭsio, nie budzie dakładna supadać z druhim transpartnym kolcam, jak mierkavałasia raniej.
Asobna razhladajecca pytańnie pašyreńnia mietro ŭ suviazi z budaŭnictvam novaha mikrarajona Zialony Bor, dzie płanujecca ŭźvieści kala 4,5 miljonaŭ kvadratnych mietraŭ žylla.
Što tyčycca treciaj linii mietro, to tam raboty ŭžo dajšli da praktyčnaha etapu. Kompleks «Alesia», jaki pačaŭ pracu letam ad płoščy Banhałor, prajšoŭ užo bolš za 400 mietraŭ tunela, a ŭsiaho za čas svajoj pracy jon nabližajecca da adznaki 10 kiłamietraŭ.
Na budučaj stancyi «Park Družby narodaŭ» idzie ŭźviadzieńnie manalitnych bietonnych i žalezabietonnych kanstrukcyj. Na «Kamaroŭskaj»zaviaršajucca raboty pa pieranosie kamunikacyj, a na «Piareśpie» rychtujuć terytoryju dla naładžvańnia abjezdu i viaducca raboty pa pierakładańni inžyniernych sietak. Paśla taho jak «Alesia» zavieršyć čarhovy ŭčastak, pačniecca asnoŭnaje budaŭnictva stancyj. Raspracoŭka katłavanaŭ i ŭźviadzieńnie kanstrukcyj stancyj «Kamaroŭskaja» i «Piarespa» startujuć paśla taho, jak «Alesia» zavieršyć prachodžańnie adnaho ź pierahonnych tunelaŭ.
Jak užo raniej paviedamlałasia, na čarhovym učastku Zielenałužskaj linii budzie nie čatyry, a try stancyjnyja kompleksy. Budaŭnictva stancyi «Prafsajuznaja» na skryžavańni vulicy Mielnikajcie i praśpiekta Pieramožcaŭ pryznali nieracyjanalnym, bo, maŭlaŭ, susiednija «Niamiha» i «Frunzienskaja» i tak dobra spraŭlajucca z nahruzkaj.
U minskim mietro chutka źjaviacca novyja ciahniki
Pašyreńnie mietro, znos staroj zabudovy. Padviali vyniki abmierkavańnia novaj redakcyi hienpłana Minska
Historyja rezanansnaj zabastoŭki biełaruskaha mietro, jakaja 30 hod tamu ŭzvarjavała ŭłady
U Minsku nie buduć znosić niekatoryja damy z-za budaŭnictva treciaj linii mietro
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary