A samaje staroje nieraskrytaje zabojstva ŭ Biełarusi adbyłosia 74 hady tamu.
Adno z zabojstvaŭ u Biełarusi raskryli amal praz 50 hadoŭ. Pavodle słoŭ namieśnika načalnika ŭpraŭleńnia analizu praktyki i mietadyčnaha zabieśpiačeńnia papiaredniaha rasśledavańnia centralnaha aparata SK Kanstancina Hłaŭnickaha, jano adbyłosia jašče ŭ 1976 hodzie, piša BiełTA.
Heta była sprava ab zabojstvie vartaŭnika babrujskaj škoły №7 u listapadzie 1976 hoda.
Tady pravaachoŭniki nie zmahli ŭstanavić asobu złačyncy. Adnak ź miesca zdareńnia byŭ ŭziaty śled palca ruki. U 2023 hodzie jaho nakiravali na daśledavańnie ŭ Rasijskuju Fiederacyju i atrymali supadzieńnie z žycharom Babrujska, jaki pamior u 2017 hodzie.
Pry vobšuku ŭ 2024 hodzie žylla hramadzianina, u jaho znajšli knihi sa školnaj biblijateki, skradzienyja ŭ dzień zabojstva. Skurpulozna vyvučyŭšy asobu hetaha čałavieka, było ŭstanoŭlena, što jon u 1977—1998 hadach nieadnarazova ździajśniaŭ padobnyja kradziažy. Takim čynam, byli sabranyja dokazy.
U minułym hodzie sprava spynienaja pa niereabilitujučych padstavach — u suviazi sa śmierciu asoby, jakaja ździejśniła złačynstva.
Taksama ŭ Śledčym kamitecie raskazali pra samaje staroje nieraskrytaje zabojstva ŭ Biełarusi.
«Samaje staroje nieraskrytaje zabojstva — 1951 hoda: u Babrujskim rajonie była znojdzienaja zabitaja małaletniaja dziaŭčynka sa śladami zhvałtavańnia», — paviedamiŭ pradstaŭnik viedamstva.
Jon udakładniŭ, što heta złačynstva raniej praviarali na suviaź ź sieryjaj zabojstvaŭ i zhvałtavańniaŭ, ździejśnienych u Viciebskaj vobłaści ŭ 1971—1985 hadach tak zvanym «viciebskim dušycielem» Hienadziem Michasievičam.
Hłaŭnicki adznačyŭ, što spravy ab zabojstvach z asablivaj žorstkaściu, jak praviła, nie zakryvajucca, a prypyniajucca — śledčyja i apieratyŭniki praciahvajuć pravierku pa najaŭnych bazach danych.
Kamientary
To mabyć lohka raskryjuć zabojstva Ramana Bandarenki piacihadovaj daŭniny.