А самае старое нераскрытае забойства ў Беларусі адбылося 74 гады таму.
Адно з забойстваў у Беларусі раскрылі амаль праз 50 гадоў. Паводле слоў намесніка начальніка ўпраўлення аналізу практыкі і метадычнага забеспячэння папярэдняга расследавання цэнтральнага апарата СК Канстанціна Глаўніцкага, яно адбылося яшчэ ў 1976 годзе, піша БелТА.
Гэта была справа аб забойстве вартаўніка бабруйскай школы №7 у лістападзе 1976 года.
Тады праваахоўнікі не змаглі ўстанавіць асобу злачынцы. Аднак з месца здарэння быў ўзяты след пальца рукі. У 2023 годзе яго накіравалі на даследаванне ў Расійскую Федэрацыю і атрымалі супадзенне з жыхаром Бабруйска, які памёр у 2017 годзе.
Пры вобшуку ў 2024 годзе жылля грамадзяніна, у яго знайшлі кнігі са школьнай бібліятэкі, скрадзеныя ў дзень забойства. Скурпулёзна вывучыўшы асобу гэтага чалавека, было ўстаноўлена, што ён у 1977—1998 гадах неаднаразова здзяйсняў падобныя крадзяжы. Такім чынам, былі сабраныя доказы.
У мінулым годзе справа спыненая па нерэабілітуючых падставах — у сувязі са смерцю асобы, якая здзейсніла злачынства.
Таксама ў Следчым камітэце расказалі пра самае старое нераскрытае забойства ў Беларусі.
«Самае старое нераскрытае забойства — 1951 года: у Бабруйскім раёне была знойдзеная забітая малалетняя дзяўчынка са слядамі згвалтавання», — паведаміў прадстаўнік ведамства.
Ён удакладніў, што гэта злачынства раней правяралі на сувязь з серыяй забойстваў і згвалтаванняў, здзейсненых у Віцебскай вобласці ў 1971—1985 гадах так званым «віцебскім душыцелем» Генадзем Міхасевічам.
Глаўніцкі адзначыў, што справы аб забойствах з асаблівай жорсткасцю, як правіла, не закрываюцца, а прыпыняюцца — следчыя і аператыўнікі працягваюць праверку па наяўных базах даных.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі2
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары
То мабыць лёгка раскрыюць забойства Рамана Бандарэнкі пяцігадовай даўніны.